रत्नागिरी : येत्या सोमवारी, दिनांक ७ एप्रिल २०२५ रोजी, पाणी पुरवठा विभागाच्या व्यवस्थेच्या प्रतिबंधात्मक देखभाल आणि दुरुस्तीच्या कामासाठी संपूर्ण रत्नागिरी शहरातील पाणी पुरवठा बंद राहणार आहे. या नियोजित कामामुळे नागरिकांना कोणतीही अडचण येऊ नये, यासाठी नगरपालिकेने सर्वांना उपलब्ध पाण्याचा काटकसरीने आणि योग्य पद्धतीने वापर करावा, अशी विनंती केली आहे.
नगरपालिकेच्या वतीने जारी केलेल्या निवेदनात, नागरिकांनी या सूचनेची नोंद घेऊन पाणी पुरवठा बंद असताना सहकार्य करावे, असे आवाहन करण्यात आले आहे. पाणी पुरवठा व्यवस्थेची देखभाल आणि दुरुस्तीमुळे भविष्यातील अडचणी टाळण्यासाठी हे पाऊल उचलले जात असल्याचेही स्पष्ट करण्यात आले आहे.
नागरिकांनी पाण्याचा साठा करून ठेवावा आणि सोमवारी पाण्याचा वापर जपून करावा, असेही नगरपालिकेने सुचवले आहे.
