रत्नागिरी : वेरळ (ता. लांजा) येथील श्री देव लक्ष्मीकांताचा वार्षिक कार्तिकोत्सव १४ ते २० नोव्हेंबर या कालावधीत साजरा होणार आहे.
यावर्षी उत्सवाचे व्यवस्थापन अरुण देव, सुभाष देव (पुणे), अरविंद देव (रतलाम) आणि देव कुटुंबातील इतर मंडळी करणार आहेत.
उत्सवात दररोज रात्री ८.३० वाजल्यापासून आरत्या, भोवत्या, मंत्रपुष्पांजली, कीर्तन, दीपोत्सव पुरस्कार वितरण कार्यक्रम होणार आहेत.
उत्सवात कीर्तन सेवा हभप दत्तात्रय उपाध्ये (वालावल, ता. कुडाळ) करणार आहेत. त्यांना संवादिनीसाथ योगेश सरपोतदार व तबलासाथ प्रसाद पटवर्धन करणार आहेत. १६ व १७ नोव्हेंबर व १९ व २० रोजी दुपारी १ वाजता सर्व भक्तांना महाप्रसाद दिला जाणार आहे. १९ नोव्हेंबर रोजी सायंकाळी दीपोत्सव साजरा होईल. २० नोव्हेंबर रोजी ज्येष्ठ नागरिकांचे सत्कार, गुणवंत विद्यार्थ्यांचा सत्कार करण्यात येणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:23 11-11-2025
