रत्नागिरी : रत्नागिरी शहरातील खवय्यांच्या गळ्यातील ताईत बनलेल्या आणि चोखंदळ ग्राहकांच्या विश्वासास पात्र ठरलेल्या प्रसिद्ध ‘हॉटेल मंगला’ (Hotel Mangala Ratnagiri) ने आपल्या अविरत आणि दर्जेदार सेवेची ३२ वर्षे यशस्वीरित्या पूर्ण केली आहेत. हॉटेलने आता ३३ व्या वर्षात पदार्पण केले असून, या निमित्ताने रत्नागिरीकरांसह संपूर्ण कोकणातून हॉटेल व्यवस्थापनावर म्हणजेच गणेश धुरी यांच्यावर कौतुकाचा वर्षाव होत आहे. हॉटेल, लॉजिंग आणि केटरिंग (Hotel, Lodging, and Catering Service) क्षेत्रात आपल्या गुणवत्तेच्या जोरावर ‘हॉटेल मंगला’ने संपूर्ण महाराष्ट्रात आपली एक वेगळी आणि स्वतंत्र ओळख निर्माण केली आहे.
३३ व्या वर्षात पदार्पण केल्याच्या या सुवर्णक्षणाचे औचित्य साधून हॉटेल मंगला येथे श्री सत्यनारायण महापूजेचे अतिशय उत्साहात आयोजन करण्यात आले होते. गेली ३२ वर्षे सातत्याने साथ देणारे ग्राहक, प्रामाणिक कर्मचारी आणि हितचिंतक यांच्यामुळेच हा टप्पा गाठता आला, अशी कृतज्ञता यावेळी गणेश धुरी यांच्याकडून व्यक्त करण्यात आली.
‘मागाल तिथे सांगाल जेव्हा…’ केटरिंग क्षेत्रात मंगलाचा दबदबा!
हॉटेल मंगला हे केवळ रत्नागिरीपुरते मर्यादित राहिले नसून, या हॉटेलची केटरिंग सेवा आता परराज्यातही पोहोचली आहे. “मागाल तिथे सांगाल जेव्हा, आपल्याला हवं ते…” या आपल्या वैशिष्ट्यपूर्ण घोषवाक्याला (Tagline) प्रमाण मानून हे हॉटेल ग्राहकांना अविरत सेवा देत आहे.
विवाहसोहळा, मुंज, साखरपुडा, वाढदिवस, गृहप्रवेश आणि इतर कोणत्याही घरगुती व व्यावसायिक समारंभांसाठी येथे खास जेवणाच्या ऑर्डर्स स्वीकारल्या जातात. रत्नागिरीसह शेजारील सिंधुदुर्ग, रायगड तसेच मुंबई, पुणे, कोल्हापूर, सातारा आणि थेट गोवा (Goa) या भागांमध्येही हॉटेल मंगला आपली केटरिंग सेवा अत्यंत चोखपणे पुरवत असल्याची माहिती व्यवस्थापनाकडून देण्यात आली आहे. त्यामुळेच कोकणाबाहेरील ग्राहकांमध्येही या ब्रँडची मोठी क्रेझ आहे.
लॉजिंग आणि सामाजिक बांधिलकी: ‘शिवभोजन’ योजनेचाही आधार
पर्यटनासाठी रत्नागिरीत येणाऱ्या भाविक आणि पर्यटकांसाठी हॉटेल मंगला येथे उत्तम दर्जाची लॉजिंग (Lodging in Ratnagiri) सुविधा उपलब्ध आहे. त्याचसोबत, व्यवसाय करताना सामाजिक भान जपण्यातही हे हॉटेल नेहमीच अग्रेसर राहिले आहे. महाराष्ट्र शासनाने सुरू केलेली गरीब आणि गरजू लोकांसाठीची अत्यंत लोकप्रिय अशी ‘शिवभोजन थाळी’ (Shivbhojan Thali) सुविधा देखील हॉटेल मंगला येथे उपलब्ध आहे. यामुळे शेकडो गोरगरिबांना दररोज दर्जेदार जेवणाचा आस्वाद घेता येत असून, हॉटेलच्या या उपक्रमाचे सर्व स्तरांतून कौतुक होत आहे.
पुढील काळातही उत्तम सेवा देणार : श्रीमती संध्या सदानंद मयेकर
हॉटेल मंगलाच्या या यशाबद्दल बोलताना श्रीमती संध्या सदानंद नयेकर यांनी सर्व ग्राहकांचे मनःपूर्वक आभार मानले. त्या म्हणाल्या,
“ग्राहकांचा विश्वास हीच आमची खरी पुंजी आहे. गेल्या ३२ वर्षांत ग्राहकांनी आम्हाला जे भरभरून प्रेम दिले, त्याबद्दल आम्ही अत्यंत ऋणी आहोत. आगामी काळातही ही विश्वासाची परंपरा अशीच पुढे चालू ठेवून, ग्राहकांना अधिक उत्तम आणि दर्जेदार सेवा देण्याचा आमचा मानस आहे.”
हॉटेल मंगलाच्या या ३३ व्या वर्षातील पदार्पणामुळे रत्नागिरीच्या हॉटेलिंग व्यवसायात पुन्हा एकदा त्यांच्या नावाचा डंका वाजला असून, त्यांच्या पुढील वाटचालीस रत्नागिरी खबरदार कडून हार्दिक शुभेच्छा!
