भरतीच्या वेळी समुद्रात उसळल्या अक्राळविक्राळ लाटा; उधाणाचे पाणी वस्त्यांमध्ये घुसले; पर्यटकांना आणि मच्छीमारांना बंदी
रत्नागिरी:
जिल्ह्यात सुरू असलेला धुवाँधार पाऊस आणि कोकण किनारपट्टीवर समुद्राला आलेल्या प्रचंड उधाणामुळे किनाऱ्यांवर धडकी भरवणारी परिस्थिती निर्माण झाली आहे. भारतीय राष्ट्रीय महासागर सूचना केंद्राने दिलेल्या अधिकृत माहितीनुसार, रत्नागिरीच्या अथांग किनारपट्टीवर (Ratnagiri Coast Updates) बुधवारी दुपारी १ वाजण्याच्या सुमारास समुद्रात तब्बल ३.४ ते ४.४ मीटर (जवळपास १४ ते १५ फूट) उंचीच्या महाकाय लाटा उसळल्या. संपूर्ण कोकण किनारपट्टीवर सध्या प्रशासनाकडून ‘हाय अलर्ट’ जारी करण्यात आला आहे.
उधाणाचे पाणी वस्त्यांमध्ये घुसले; पर्यटकांना आणि मच्छीमारांना बंदी
दुपारी १ वाजताच्या सुमारास भरतीची वेळ आणि समुद्रातील अजस्र लाटांचा मेळ एकाच वेळी जुळून आल्याने समुद्राचे पाणी थेट किनाऱ्यावरील काही वस्त्यांमध्ये आणि मुख्य रस्त्यांवर घुसले. प्रचंड वेगाने किनाऱ्यावर आदळणाऱ्या या लाटांमुळे उद्भवलेली धोक्याची परिस्थिती पाहता, जिल्हा प्रशासनाने तातडीने पावले उचलली आहेत. संभाव्य दुर्घटना टाळण्यासाठी स्थानिक मच्छीमार, नागरिक आणि पर्यटकांना समुद्रात जाण्यास पूर्णपणे बंदी घालण्यात आली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:26 02-07-2026
