नीट पेपरफुटीविरोधातील आंदोलनाला मोठे यश; विरोधकांचे आंदोलक तरुणांना कौतुक आणि पाठबळ
Dharmendra Pradhan Resignation: केंद्रीय शिक्षणमंत्री धर्मेंद्र प्रधान यांनी आपल्या पदाचा राजीनामा दिल्यानंतर राजकीय वर्तुळात जोरदार घडामोडी सुरू झाल्या आहेत. शिक्षणमंत्र्यांच्या राजीनाम्याचे वृत्त समोर येताच विरोधी पक्षातील प्रमुख नेत्यांनी कॉक्रोच जनता पार्टीचे (CJP) आणि आंदोलक विद्यार्थ्यांचे अभिनंदन केले आहे.
गेल्या महिनाभरापासून दिल्लीतील जंतर-मंतरवर सुरू असलेल्या या ऐतिहासिक आंदोलनामुळेच सरकारला नैतिक जबाबदारी स्वीकारून राजीनामा देणे भाग पडल्याची प्रतिक्रिया विरोधकांकडून व्यक्त केली जात आहे.
Dharmendra Pradhan Resignation: “दडपशाहीविरोधात युवाशक्तीचा मोठा विजय”
विरोधी पक्षाच्या नेत्यांनी या विजयाबद्दल प्रतिक्रिया देताना सांगितले की, नीट (NEET) पेपरफुटीप्रकरणी दिल्लीतील जंतर-मंतरवर तरुणाईने दाखवलेली जिद्द आणि दिलेला लढा अत्यंत वाखाणण्याजोगा आहे.
“दडपशाहीला न घाबरता अन्यायाविरुद्ध ठामपणे उभे राहून केंद्र सरकारला अखेर नमवून नैतिक जबाबदारी स्वीकारायला भाग पाडणारा हा लढा भारतीय लोकशाहीच्या ताकदीचे जिवंत प्रतीक आहे. हा देशातील युवाशक्तीच्या एकजुटीचा सर्वात मोठा विजय आहे,” अशा शब्दांत विरोधी पक्षांनी विद्यार्थ्यांच्या लढ्याचे कौतुक केले आहे.
लोकशाहीने कात टाकली; विरोधी खासदारांचे मानले आभार
विरोधी पक्षातील प्रमुख नेत्यांनी आणि खासदार प्रतिनिधींनी ज्या पद्धतीने या आंदोलनादरम्यान देशातील युवकांना नैतिक आणि संसदीय पाठबळ दिले, त्याबद्दल CJP आणि आंदोलकांनीही सर्व खासदारांचे मनःपूर्वक आभार मानले आहेत.
देशातील लोकशाहीने आता नवी कात टाकली असून, अन्यायाविरोधात आवाज उठवल्यास सरकारलाही झुकावे लागते, याचे श्रेय पूर्णपणे देशातील जागरूक युवा पिढीला जाते, असे मत राजकीय विश्लेषकांकडून व्यक्त केले जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:35 25-07-2026
