आंतरराष्ट्रीय बाजारात कच्च्या तेलाचे दर वाढल्याने परिणाम; अर्थ राज्यमंत्री पंकज चौधरी यांची माहिती
Wholesale Inflation Fuel Price Hike मुळे देशांतर्गत बाजारात महागाईचा भडका उडाल्याचे पाहायला मिळत आहे. आंतरराष्ट्रीय बाजारपेठेत कच्च्या तेलाच्या (Crude Oil) किमतीत झालेल्या प्रचंड वाढीमुळे जून महिन्यात घाऊक किंमत महागाई निर्देशांकात (WPI) ९.८७ टक्क्यांपर्यंत मोठी वाढ झाली आहे.
जागतिक बाजारपेठेतील विविध वस्तू आणि इंधन खर्चातील बदलांमुळे घाऊक दरांवर थेट परिणाम झाला असून, त्यामुळेच घाऊक महागाईचा आलेख उंचावला असल्याचे केंद्रीय अर्थ राज्यमंत्री पंकज चौधरी यांनी स्पष्ट केले. जागतिक स्तरावर इंधनाचे भाव वाढल्याने उत्पादन आणि वाहतूक खर्च वाढल्याचा फटका या निर्देशांकाला बसला आहे.
दरम्यान, वाढत्या महागाईवर नियंत्रण मिळवण्यासाठी आणि सर्वसामान्य ग्राहकांवरील त्याचा आर्थिक भार कमी करण्यासाठी केंद्र सरकारतर्फे विविध स्तरांवर उपाययोजना केल्या जात आहेत. सरकारच्या या हस्तक्षेपांमुळे किरकोळ किंवा ग्राहक किंमत निर्देशांकावर (CPI) आधारित महागाईचा दर गेल्या दोन तिमाहींमध्ये रिझर्व्ह बँकेच्या ४ टक्क्यांच्या उद्दिष्टापेक्षा कमी राखण्यात यश आले आहे.
अधिकृत आकडेवारीनुसार, जानेवारी ते मार्च २०२६ या कालावधीत किरकोळ महागाईचा दर ३.१ टक्के इतका राहिला होता, तर एप्रिल ते जून २०२६ या कालावधीत हा दर ३.९ टक्क्यांवर नियंत्रित राहिला आहे. घाऊक बाजारात इंधन दरांचा दबाव असला, तरी किरकोळ बाजारात महागाई आवाक्यात ठेवण्यासाठी सरकारचे प्रयत्न सुरू आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:34 04-08-2026
