तिवराड पोलीस चौकीजवळ चालकाचा ताबा सुटल्याने १५ फूट खोल दरीत कोसळली सफारी कार; स्थानिक नागरिकांकडून मदतकार्य
रत्नागिरी / प्रतिनिधी: संकष्टी चतुर्थीनिमित्त श्री गणपतीपुळे मंदिरात दर्शनासाठी आलेल्या सोलापूर येथील भाविकांच्या वाहनाला परतीच्या प्रवासात अपघात झाल्याची घटना घडली आहे. गणपतीपुळे-निवळी मार्गावरील तिवराड पोलीस चौकीच्या पुढे चालकाचे वाहनावरील नियंत्रण सुटल्याने सफारी कार थेट १० ते १५ फूट खोल दरीत कोसळली. या Ganpatipule Road Accident मध्ये कारमधील प्रवासी जखमी झाले असले, तरी सुदैवाने मोठी जीवितहानी टळली आहे.
दर्शन घेऊन परतताना घडला अपघात
सोलापूर येथील भाविक (एमएच १३ डीटी ८३५३) या क्रमांकाच्या सफारी कारने संकष्टी चतुर्थीनिमित्त गणपतीपुळे येथे दर्शनासाठी आले होते. श्रींचे दर्शन आटोपून सोलापूरकडे परतीच्या प्रवासाला निघाले असताना तिवराड पोलीस चौकीच्या पुढे चालकाचा वाहनावरील ताबा सुटला. नियंत्रण सुटलेली कार रस्त्यालगत असलेल्या सुमारे १० ते १५ फूट खोल दरीत कोसळली.
गाड्याचे मोठे नुकसान; स्थानिकांचे तत्पर मदतकार्य
अपघाताची तीव्रता जास्त असल्याने कारच्या दर्शनी भागाचे मोठे नुकसान झाले आहे. दुर्घटनेचा आवाज होताच परिसरातील स्थानिक नागरिकांनी तात्काळ घटनास्थळी धाव घेतली आणि दरीत उतरून जखमी प्रवाशांना बाहेर काढत मदतकार्य केले. या अपघातात प्रवाशांना दुखापती झाल्या असून जखमींवर उपचार सुरू आहेत, मात्र सुदैवाने कोणतीही जीवितहानी न झाल्याने सर्वांनी सुटकेचा विश्वास सोडला. अपघातातील जखमींची नावे त्वरित समजू शकली नव्हती.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:19 05-08-2026
