सावर्डे पोलीस ठाण्यात अकस्मात मृत्यूची नोंद
चिपळूण:
Turbav Snakebite Death News बाबत मिळालेल्या माहितीनुसार, घरात सकाळी झाडलोट करत असताना सापाने चावा घेतल्याने एक ७९ वर्षीय वृद्ध महिला गंभीर जखमी झाली होती. दुर्दैवाने उपचारादरम्यान तिचा मृत्यू झाल्याची हृदयद्रावक घटना चिपळूण तालुक्यातील तुरबंव रोहिदासवाडी येथे घडली आहे. सुमित्रा तुकाराम सावर्डेकर (वय ७९, रा. तुरबंव रोहिदासवाडी, ता. चिपळूण, जि. रत्नागिरी) असे मृत वृद्धेचे नाव आहे. या आकस्मिक घटनेमुळे संपूर्ण परिसरात हळहळ व्यक्त केली जात आहे.
मिळालेल्या माहितीनुसार, ९ ऑगस्ट २०२६ रोजी सकाळी पावणेआठच्या सुमारास सुमित्रा सावर्डेकर या आपल्या राहत्या घरी नेहमीप्रमाणे सकाळची साफसफाई करत होत्या. घर झाडलोट करत असताना कोपऱ्यात दडून बसलेल्या सापाने त्यांच्यावर अचानक हल्ला करत त्यांना चावा घेतला. साप चावल्याचे लक्षात येताच कुटुंबीयांनी तत्परता दाखवत त्यांना तातडीने उपचारासाठी डेरवण येथील बी. के. वालावलकर रुग्णालयात दाखल केले.
Turbav Snakebite Death News: उपचारादरम्यान उपचाराला प्रतिसाद मिळेना; पोलिसांत आकस्मिक मृत्यूची नोंद
डेरवण रुग्णालयात डॉक्टरांनी त्यांच्यावर तातडीने वैद्यकीय उपचार सुरू केले. मात्र, उपचारादरम्यान विष शरीरात पसरल्याने त्यांना अचानक तीव्र श्वास घेण्यास त्रास जाणवू लागला. डॉक्टरांनी त्यांना वाचवण्याचे शर्थीचे प्रयत्न केले, परंतु उपचाराला प्रतिसाद न मिळाल्याने डॉक्टरांनी तपासणीअंती त्यांना मृत घोषित केले.
याप्रकरणी मृत सुमित्रा सावर्डेकर यांची मुलगी सुमन संभाजी पालशेतकर यांनी दिलेल्या माहितीवरून सावर्डे प्राथमिक आरोग्य केंद्र व संबंधित पोलीस ठाण्यात घटनेची अधिकृत नोंद करण्यात आली आहे. भारतीय नागरिक सुरक्षा संहिता (BNSS) कलम १९४ अन्वये अकस्मात मृत्यू म्हणून प्रकरणाची नोंद झाली असून, पोलीस पुढील अधिक तपास करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:50 11-08-2026
