जानेवारी ते जुलै २०२६ दरम्यान ६,१९१ पैकी ४,०३९ अर्ज पात्र; ५५७ अर्ज प्रलंबित
रत्नागिरी:
Ratnagiri Caste Verification News बाबत मिळालेल्या माहितीनुसार, रत्नागिरी जात पडताळणी कार्यालयाने प्रशासकीय कामांना गती देत जानेवारी ते जुलै २०२६ या सात महिन्यांच्या कालावधीत तब्बल ४ हजार ३९ जात पडताळणी प्रकरणांचा यशस्वी निपटारा केला आहे. या कालावधीत कार्यालयाकडे एकूण ६ हजार १९१ अर्ज प्राप्त झाले होते. समितीने त्यांपैकी ४ हजार ३९ अर्ज पात्र ठरवून प्रमाणपत्रे मंजूर केली आहेत.
सध्या ५५७ अर्ज प्रलंबित असून, त्यावरही प्रशासनाकडून लवकरच निर्णय घेतला जाण्याची शक्यता आहे. कागदपत्रांची पूर्तता न झाल्याने किंवा आवश्यक नियमांचे पालन न केल्यामुळे केवळ चार अर्ज नामंजूर करण्यात आले आहेत.
Ratnagiri Caste Verification News: विद्यार्थी व नागरिकांना मोठा दिलासा; अध्यक्ष शंकर बर्गे यांच्या पथकाची कामगिरी
समिती अध्यक्ष शंकर बर्गे यांच्या नेतृत्वाखालील पथकाने अत्यंत अल्प कालावधीत मोठ्या संख्येने आलेल्या अर्जांचा निपटारा केला आहे.
विशेषतः शैक्षणिक प्रवेश (Professional Admissions) आणि शासकीय नोकरीच्या प्रक्रियेसाठी जात पडताळणी प्रमाणपत्राची (Caste Validity Certificate) तातडीने गरज असलेल्या हजारो विद्यार्थ्यांना व नागरिकांना या जलद कामगिरीमुळे मोठा दिलासा मिळाला आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:21 11-08-2026
