१२ ते १६ ऑगस्ट दरम्यान रंगणार भव्य रबर बॉल क्रिकेट स्पर्धा; मान्यवरांची प्रमुख उपस्थिती
रत्नागिरी : क्रीडारसिकांचे विशेष आकर्षण ठरलेल्या ‘चॅम्पियन्स रेनी ट्रॉफी २०२६’ (सिझन ५) चा भव्य शुभारंभ आज विविध राजकीय व सामाजिक क्षेत्रातील मान्यवरांच्या उपस्थितीत उत्साहात पार पडला.
स्पर्धेचे मुख्य आयोजक दीपक पवार यांच्या वतीने या ५ व्या पर्वाचे आयोजन १२ ऑगस्ट ते १६ ऑगस्ट २०२६ या कालावधीत प्रमोद महाजन क्रीडा संकुल, रत्नागिरी येथे करण्यात आले आहे.
उद्योगमंत्री उदय सामंत अन् आमदार किरण सामंत यांचे पाठबळ
रबर बॉल क्रिकेट विश्वात अत्यंत लोकप्रिय असलेल्या या स्पर्धेचे हे ५ वे यशस्वी वर्ष आहे. महाराष्ट्र राज्याचे उद्योगमंत्री उदय सामंत आणि आमदार किरण (भैय्या) सामंत यांचे या स्पर्धेला दरवर्षी मोठे पाठबळ व सहकार्य लाभते.
थेट प्रक्षेपणाची सोय
स्थानिक क्रीडाप्रेमींसह जगभरातील क्रिकेट रसिकांना या सामन्यांचा आनंद घेता यावा यासाठी ‘टेनिस क्रिकेट डॉट इन’ (TennisCricket.in) वर स्पर्धेचे सर्व सामने थेट प्रसारित (Live Streaming) केले जात आहेत.
उद्घाटनास उपस्थित मान्यवर
स्पर्धेच्या उद्घाटन प्रसंगी रत्नागिरीतील अनेक प्रमुख लोकप्रतिनिधी व राजकीय पदाधिकारी उपस्थित होते:
- नगराध्यक्ष: सौ. शिल्पाताई सुर्वे
- शिवसेना पदाधिकारी: राहुलजी पंडित (जिल्हाप्रमुख), बिपिनजी बंदरकर (शहर प्रमुख)
- महिला व बालकल्याण: सौ. प्रीती सुर्वे (सभापती तथा नगरसेविका), सौ. पूजा दीपक पवार (उपसभापती)
- नगरसेवक / नगरसेविका: वैभवीताई खेडेकर, जागृतीताई पिळणकर, निवेदिता कळंबटे, सौ. मेधा कुलकर्णी, अभिजीत दुडे
- इतर मान्यवर: दीपक मोरे, सईद मुकादम, सुनील जगताप, मनोज साळवी, नरेंद्र देसाई, योग चव्हाण, सोनमताई चव्हाण, दिनेश माईंड, गिरीश कोचरेकर आदी.
