साळवी स्टॉप ते चर्मालय रस्त्यावरील जलतरण तलावाच्या आडोशाला पोलिसांची कारवाई; रत्नागिरी शहर पोलिसांत नोंद
रत्नागिरी : रत्नागिरी शहरातील सार्वजनिक ठिकाणी उघड्यावर मद्यपान करणाऱ्या एका ४० वर्षीय तरुणावर रत्नागिरी शहर पोलीस ठाण्यात गुन्हा दाखल करण्यात आला आहे. सकिर सुहेल बोरकर (वय ४०, रा. जे. के. फाईल, नाचणकर चाळ, रत्नागिरी) असे कायदेशीर कारवाई करण्यात आलेल्या संशयित व्यक्तीचे नाव आहे.
जलतरण तलावाच्या आडोशाला कारवाई मिळालेल्या माहितीनुसार, ही कारवाई शुक्रवार, २ ऑक्टोबर रोजी रात्री ८.३० वाजण्याच्या सुमारास करण्यात आली. शहरातील साळवी स्टॉप ते चर्मालय जाणाऱ्या रस्त्यावर असलेल्या जलतरण तलावाच्या समोर आणि आडोशाला बसून संशयित सकिर बोरकर हा दारू पीत असल्याचे पोलिसांच्या गस्तीदरम्यान निदर्शनास आले.
पोलीस हेडकॉन्स्टेबल यांच्या तक्रारीवरून गुन्हा सार्वजनिक ठिकाणी मद्यपान करून उपद्रव घडवणाऱ्या या तरुणाविरोधात पोलीस हेडकॉन्स्टेबल दिनेश आखाडे यांनी अधिकृत तक्रार दिली आहे. त्यांच्या फिर्यादीवरून रत्नागिरी शहर पोलीस ठाण्यात संबंधित कलमांनुसार गुन्हा दाखल करण्यात आला असून, पोलीस पुढील तपास करत आहेत.
