ग्रामीण आणि शहर पोलिस ठाण्यात गुन्हा दाखल
Ratnagiri Open Drinking Action बाबत मिळालेल्या माहितीनुसार, रत्नागिरी शहरातील एमआयडीसी आणि साळवीस्टॉप परिसरातील सार्वजनिक ठिकाणी उघडपणे मद्यपान करणाऱ्या तीन जणांविरुद्ध ग्रामीण व शहर पोलिस ठाण्यात गुन्हे दाखल करण्यात आले आहेत. सार्वजनिक शांततेचा भंग करणाऱ्या आणि उपद्रव ठरणाऱ्या घटकांवर कारवाई करण्यासाठी पोलिसांनी ही धडक पावले उचलली आहेत.
या प्रकरणात प्रकाश शिवराम पवार (वय ५८, रा. साठरेबांबर, ठोंबरेवाडी, रत्नागिरी), विजय राजाराम वाडकर (वय ४५, रा. मधलीवाडी, मिरजोळे, रत्नागिरी) आणि आकाश मोहन गोसावी (वय २९, रा. तांदुळवाडी नवीन वसाहत सांगली, सध्या रा. घुडेवठार झोपडपट्टी, रत्नागिरी) अशी गुन्हा दाखल झालेल्या तीन संशयितांची नावे आहेत. या सर्व घटना गुरुवारी (ता. ५) सकाळी ११ वाजण्यापासून ते सायंकाळी सव्वासात वाजेच्या सुमारास पोलिसांनी केलेल्या पाहणीदरम्यान निदर्शनास आल्या.
Ratnagiri Open Drinking Action: पोलिसांकडून थेट तक्रार दाखल
पोलिसांकडून मिळालेल्या सविस्तर माहितीनुसार, तिन्ही संशयित वेगवेगळ्या ठिकाणी नागरिकांची वर्दळ असलेल्या सार्वजनिक जागेत बसून मद्यपान करत असताना पोलिसांच्या पथकाला आढळून आले.
या प्रकरणी पोलिस हेड कॉन्स्टेबल रुपेश भिसे, लक्ष्मण कोकरे आणि महिला पोलिस हवालदार ईशिता वाडावे यांनी शहर व ग्रामीण पोलिस ठाण्यात रीतसर तक्रारी दिल्या आहेत. या तक्रारींच्या आधारे पोलिसांनी तिन्ही संशयितांविरुद्ध कायदेशीर गुन्हे दाखल केले असून पुढील कारवाई सुरू केली आहे.
