राहत्या घरी लोखंडी अँगलला नायलॉन दोरीने संपविले जीवन; आत्महत्येचे कारण अद्याप अस्पष्ट
Guhagar Suicide News बाबत मिळालेल्या माहितीनुसार, गुहागर तालुक्यातील गोणवली-कळेवाडी येथे एका ६७ वर्षीय वृद्धाने आपल्या राहत्या घरी लोखंडी अँगलला नायलॉनच्या दोरीने गळफास घेऊन आत्महत्या केल्याची धक्कादायक घटना उघडकीस आली आहे. ही दुर्दैवी घटना शनिवार, ७ नोव्हेंबर रोजी सकाळी ९.५० वाजताच्या सुमारास किंवा त्यापूर्वीच्या कालावधीत घडली.
यशवंत महादेव कळे (वय ६७, रा. गोणवली कळेवाडी, ता. गुहागर, जि. रत्नागिरी) असे मृत पावलेल्या वृद्धाचे नाव आहे. पोलिसांनी दिलेल्या माहितीनुसार, मयत यशवंत कळे हे गोणवली येथील आपल्या राहत्या घरात असताना त्यांनी हॉलमधील लोखंडी अँगलला नायलॉनच्या दोरीने गळफास लावून घेतला. दरम्यान, शेजारी राहणारे समीर सुरेश कामेरकर यांना यशवंत कळे हे गळफास घेतलेल्या व मृत अवस्थेत दिसून आले.
गुहागर पोलिसांकडून आकस्मिक मृत्यूची नोंद
घटनेची माहिती मिळताच समीर कामेरकर यांनी तातडीने याची माहिती पोलिसांना दिली. पोलिसांनी घटनास्थळी पोहोचून पंचनामा केला आणि मृतदेह शवविच्छेदनासाठी पाठवून दिला. या प्रकरणी गुहागर पोलीस ठाण्यात भारतीय नागरिक सुरक्षा संहिता (BNSS) कलम १९४ अन्वये आकस्मिक मृत्यूची नोंद करण्यात आली आहे. वृद्धेने हे टोकाचे पाऊल का उचलले, याचे नेमके कारण अद्याप समजू शकलेले नाही असून पोलिसांकडून या प्रकरणाचा अधिक तपास केला जात आहे.
