गुहागर : ग्रामपंचायत कोतळूक, महात्मा गांधी तंटामुक्त गाव समिती कोतळूक, डॉ सचिन, डॉ अश्विनी ओक यांच्या प्रोलाईफ मल्टीस्पेशालिटी हॉस्पिटल शृंगारतळी यांच्या संयुक्त विद्यमाने कोतळूक ग्रामपंचायत कार्यालय येथे मोफत नेत्र तपासणी शिबिर पार पडले.
शिबीरामध्ये कोतळूक गावातील १०५ जणांची मोफत नेत्र तपासणी करण्यात आली तसेच आवश्यक रूग्णांना मोफत ड्रॉप तसेच सवलतीच्या दरात चष्मे देण्यात आले. या शिबिरात ज्यांना मोतिबिंदू शस्त्रक्रिया करणे आवश्यक आहे अशा २० रूग्णांना सवलतीच्या दरात मोतिबिंदू शस्त्रक्रिया करून दिली जाणार आहे. शिबिरात रक्तदाब तपासणी, शुगर तपासणी तसेच नेत्र तपासणी डॉ अश्विनी ओक यांनी केली.
यावेळी कोतळूक ग्रामपंचायत सरपंच सौ प्रगती मोहिते, तंटामुक्त गाव समिती कोतळूक अध्यक्ष, कोतळूक ग्रामपंचायत सदस्य सचिन ओक, पोलिस पाटील अनुजा वाघे, संचिता मोहिते, विनोद शिगवण, शर्मिला भेकरे, ग्रामपंचायत सदस्य सुनिल आगिवले, सचिन भेकरे, मानसी पवार, आसावरी बाधावटे, समीक्षा वाघे, गणपत शिगवण, लक्ष्मण शिगवण, प्रकाश मोहिते, दिपक मोरे, नितीन काटकर आदींसह ग्रामपंचायत सदस्य, तंटामुक्त समिती सदस्य व ग्रामस्थ बहुसंख्येने उपस्थित होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:00 10-02-2025
