नवी दिल्ली : कोकण रेल्वे कॉर्पोरेशन लिमिटेड आणि रस्ते वाहतूक व महामार्ग मंत्रालय यांच्यात राष्ट्रीय महामार्गावरील बोगदा प्रकल्पांमध्ये तांत्रिक सहकार्याबाबत सामंजस्य करार झाला आहे. कोकण रेल्वेचे अध्यक्ष व व्यवस्थापकीय संचालक संतोषकुमार झा आणि महामार्ग विकास महासंचालक व विशेष सचिव (प्रभारी) सुदीप चौधरी यांच्या उपस्थितीत या सामंजस्य करारावर स्वाक्षरी करून तो पूर्ण करण्यात आला. यावेळी दोन्ही संस्थांचे वरिष्ठ अधिकारी उपस्थित होते.
या करारानुसार, कोकण रेल्वेच्या बोगदा सुरक्षा लेखापरीक्षण (टनेल सेफ्टी ऑडिट) क्षेत्रातील अनुभव आणि ज्ञानाचा उपयोग केला जाणार असून, बोगदा प्रकल्पांमध्ये सुधारणा व सुरक्षेसाठी आवश्यक उपाययोजना सूचवण्याचे काम कोकण रेल्वे करणार आहे. याशिवाय इतर तांत्रिक बाबतीतही दोन्ही संस्थांमध्ये सहकार्य होणार आहे. हा करार राष्ट्रीय महामार्ग प्रकल्पांच्या दर्जा आणि सुरक्षेतील सातत्यपूर्ण सुधारणा यासाठी मैलाचा दगड ठरणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:31 AM 13/Mar/2025
