◼️ उच्चशिक्षित, दोन दशकांचा सामाजिक अनुभव आणि विविध पदांवर कार्याचा ठसा; मनीषा बामणे यांचे नाव चर्चेत
रत्नागिरी : रत्नागिरी नगरपालिका निवडणुका (Ratnagiri Municipal Elections) आता कोणत्याही क्षणी जाहीर होण्याची शक्यता आहे. या पार्श्वभूमीवर, नगरसेवक (Corporator) पदासाठी इच्छुक उमेदवारांनी आपापल्या परीने मोर्चेबांधणी सुरू केल्याचे चित्र आहे. रत्नागिरी नगरपालिकेच्या प्रभाग क्रमांक ०१ (Prabhag 1) मधून समाजसेविका मनीषा हेमंत बामणे (Manisha Hemant Bamane) यांच्या नावाची जोरदार चर्चा सुरू झाली आहे.
मनीषा बामणे या प्रभाग १ मधून निवडणूक लढवण्यास इच्छुक असल्याची माहिती मिळत आहे. त्यांच्या नावाला केवळ इच्छेचेच नाही, तर तब्बल दोन दशकांच्या भक्कम सामाजिक कार्याचे पाठबळ आहे.
दोन दशकांचे ‘तळागाळातील’ काम
मनीषा बामणे या उच्च शिक्षित असून, गेल्या दोन दशकांपासून त्या सामाजिक, शैक्षणिक, सांस्कृतिक, वैद्यकीय आणि धार्मिक क्षेत्रात अविरतपणे कार्यरत आहेत. त्यांनी आजवर अनेक समाजोपयोगी उपक्रम राबवले असून, त्यांची प्रभागातील नागरिकांशी घट्ट नाळ जोडली गेली आहे.
त्यांच्या कार्याचा आढावा घेतल्यास त्यात मोठी विविधता दिसून येते. त्यांनी राबवलेल्या प्रमुख उपक्रमांमध्ये:
आधार कार्ड आणि पॅन कार्ड शिबिरे
मोफत आरोग्य शिबिरे
महिलांसाठी बचत गटांची स्थापना व सरकारी योजनांची अंमलबजावणी
मतदारांच्या वैयक्तिक समस्या जाणून त्या सोडवणे
नवलाई पावणाई मंदिरात ‘त्रिपुरारी दिपोत्सव’ प्रारंभ करणे
विद्यार्थी प्रवेश प्रक्रियेतील व इतर शैक्षणिक प्रश्न सोडवणे
तरुणांसाठी स्पर्धा परीक्षा मार्गदर्शन व प्रोत्साहनपर कार्यक्रम घेणे
मोफत बी.एस.एन.एल. कार्ड वाटप शिबिर
शून्य शिल्लक बँक पासबुक ओपनिंग शिबिर
आंदोलने ते संस्थात्मक कार्य
केवळ शिबिरांपुरते मर्यादित न राहता, मनीषा बामणे यांचा विविध शासकीय योजना राबवण्यात, तसेच सामाजिक प्रश्नांवरील मोर्चे, आंदोलने आणि मेळाव्यांमध्ये नेहमीच सक्रिय सहभाग राहिला आहे.
त्या अनेक महत्त्वाच्या संस्थांवर पदाधिकारी म्हणूनही कार्यरत आहेत:
सचिव – सहयोग नाट्यसंस्था
महिला शहर (प्रमुख) – ओ. बी. सी. संघर्ष समिती
तालुका स्तर – विधवा व एकल महिलांसाठी कार्यरत ‘चक्रभेदी संस्था’
सदस्या – आर. डी. सी. सी. बँक ग्राहक तक्रार निवारण समिती
समाजकार्यात नेहमीच हिरहिरीने पुढाकार घेत सामाजिक प्रश्न सोडवण्यात त्यांनी आजवर मुख्य भूमिका बजावली आहे. त्यामुळेच, आता प्रभाग १ मधील नागरिकच मनीषा बामणे यांच्या अनुभवाचा फायदा प्रभागाला व्हावा, यासाठी त्यांच्या उमेदवारीची मागणी शिवसेना (Shiv Sena) पक्षाकडे करत असल्याचे चित्र स्पष्ट दिसत आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:23 04-11-2025
