पुणे: महाराष्ट्र राज्य माध्यमिक व उच्च माध्यमिक शिक्षण मंडळाच्या बारावीच्या परीक्षेचा निकाल आज, २ मे २०२६ रोजी दुपारी १ वाजता ऑनलाईन जाहीर होत आहे. राज्यातील नऊ विभागीय मंडळांचा (पुणे, मुंबई, नागपूर, नाशिक, छत्रपती संभाजीनगर, कोल्हापूर, अमरावती, लातूर आणि कोकण) एकत्रित निकाल सकाळी ११ वाजता पत्रकार परिषदेत जाहीर केला जाईल. त्यानंतर दुपारी १ वाजता विद्यार्थ्यांना त्यांचे वैयक्तिक गुण पाहता येतील.
वेबसाईट क्रॅश झाल्यास घाबरू नका; SMS वर मिळवा निकाल
निकाल जाहीर झाल्यावर लाखो विद्यार्थी एकाच वेळी वेबसाईटवर लॉगिन करतात, ज्यामुळे सर्व्हर स्लो होण्याची शक्यता असते. अशा वेळी तुम्ही तुमच्या मोबाईलवरून एक साधा मेसेज पाठवूनही निकाल मिळवू शकता.
SMS द्वारे निकाल मिळवण्यासाठी: १. मोबाईलच्या मेसेज बॉक्समध्ये जा. २. MHHSC सीट नंबर (उदा. MHHSC L123456) असा मेसेज टाईप करा. ३. हा मेसेज 57766 या क्रमांकावर पाठवा. ४. काही वेळातच तुमचा निकाल मोबाईलवर एसएमएसद्वारे प्राप्त होईल.
निकालासाठी काय आवश्यक आहे?
ऑनलाईन निकाल पाहण्यासाठी विद्यार्थ्यांकडे दोन गोष्टी असणे अनिवार्य आहे: १. सीट नंबर (Seat Number) २. आईचे नाव (Mother’s First Name) – अर्जात नमूद केल्याप्रमाणे आईचे पहिले नाव.
वेबसाईटवर निकाल पाहण्याच्या ५ स्टेप्स
१. वरीलपैकी कोणत्याही अधिकृत वेबसाईटला भेट द्या. २. होमपेजवर ‘HSC Examination Result 2026’ या लिंकवर क्लिक करा. ३. तुमचा सीट नंबर अचूक भरा. ४. आईच्या नावाचे पहिले अक्षर किंवा पूर्ण नाव (अर्जाप्रमाणे) टाईप करा. ५. ‘View Result’ बटणावर क्लिक करा. तुमचा निकाल स्क्रीनवर दिसेल.
गेल्या वर्षीचा निकाल कसा होता?
गेल्या वर्षी (२०२५) राज्याचा एकूण निकाल ९१.८८ टक्के लागला होता. परंपरेप्रमाणे गेल्या वर्षीही मुलींनी बाजी मारली होती. मुलींचे उत्तीर्ण होण्याचे प्रमाण ९४.५४ टक्के होते, तर मुलांचे प्रमाण ८९.५१ टक्के इतके होते. यंदा १८ लाख विद्यार्थ्यांच्या निकालात मुली आपले वर्चस्व राखणार का, याकडे सर्वांचे लक्ष लागले आहे.
अनुत्तीर्ण विद्यार्थ्यांसाठी महत्त्वाची बातमी
जे विद्यार्थी काही विषयांत अनुत्तीर्ण होतील, त्यांच्यासाठी बोर्डाकडून तातडीने पुरवणी परीक्षा (Supplementary Exam) घेतली जाईल. जेणेकरून विद्यार्थ्यांचे शैक्षणिक वर्ष वाया जाणार नाही आणि त्यांना त्याच वर्षी उच्च शिक्षणासाठी प्रवेश घेता येईल.
महत्त्वाची सूचना: निकाल पाहिल्यानंतर त्याच्या मूळ प्रिंटआऊटची डिजिटल प्रत किंवा स्क्रीनशॉट काढून ठेवा. डिजीलॉकरवरही तुमची मार्कशीट उपलब्ध करून देण्यात येणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
09:25 02-05-2026
