गुरुवारी रात्रीच्या व्हिडिओंनंतर शुक्रवारी पुन्हा नवा व्हिडिओ शेअर करत पंतप्रधान मोदींनी दिला तरुणांना संदेश
PM Narendra Modi यांनी शुक्रवारी रात्री इन्स्टाग्रामवर नवीन व्हिडिओ पोस्ट करत, कालचा व्हिडिओ पाहून बहुमूल्य सूचना देणाऱ्या सर्व नागरिकांचे मनापासून आभार मानले आहेत. नवी दिल्ली येथून मिळालेल्या माहितीनुसार, गेल्या २४ तासांत पंतप्रधानांनी इन्स्टाग्रामवर ही दुसरी पोस्ट केली आहे. गुरुवारी रात्री शेअर केलेल्या पहिल्या व्हिडिओला मिळालेला अभूतपूर्व प्रतिसाद आणि दुसरीकडे ‘नीट’ (NEET) पेपरफुटीप्रकरणी कठोर कारवाईसाठी केंद्र सरकारने उचललेली पावले, यामुळे प्रशासकीय व राजकीय वर्तुळात तसेच सोशल मीडियावर मोठी उत्सुकता पाहायला मिळत आहे.
PM Narendra Modi यांच्या पहिल्या व्हिडिओला १६.३ दशलक्ष व्ह्यूज
गुरुवारी रात्री पंतप्रधान मोदींनी इन्स्टाग्रामवर शेअर केलेल्या पहिल्या व्हिडिओने सोशल मीडियावर मोठा प्रतिसाद मिळवला आहे. या केवळ एका व्हिडिओमुळे पंतप्रधान मोदी यांच्या इन्स्टाग्राम अकाऊंटवर १ मिलियन (१० लाख) पेक्षा जास्त नवीन फॉलोअर्स जोडले गेले आहेत. गुरुवारी रात्रीच्या या व्हिडिओला सुमारे १६.३ दशलक्ष युझर्सने पाहिले असून, शुक्रवारी पोस्ट केलेल्या दुसऱ्या व्हिडिओनेही पाहता पाहता १ दशलक्ष व्ह्यूजचा टप्पा पार केला आहे.
“माझा कालचा व्हिडिओ पाहिल्याबद्दल आणि त्यावर बहुमूल्य सूचना दिल्याबद्दल तुम्हा सर्वांचे खूप खूप आभार,” असे पंतप्रधान मोदी यांनी या नव्या व्हिडिओमध्ये नमूद केले.
दरम्यान, शुक्रवारी पार पडलेल्या केंद्रीय कॅबिनेटच्या बैठकीत पंतप्रधान मोदींनी आपल्या सहकारी मंत्र्यांना एक महत्त्वाचा सल्ला दिला. केंद्र सरकारच्या विविध कल्याणकारी योजना थेट जनतेपर्यंत पोहोचवण्यासाठी सर्व मंत्र्यांनी इन्स्टाग्रामवर अधिक सक्रिय राहावे, असे निर्देश त्यांनी या बैठकीत दिले आहेत.
नीट पेपरफुटीवर कठोर कारवाई आणि फास्ट ट्रॅक कोर्टाची स्थापना
सोशल मीडियावरील या संवादासोबतच, देशभरात चर्चिल्या जाणाऱ्या ‘नीट’ (NEET) paper leak प्रकरणी बोलताना पंतप्रधान नरेंद्र मोदी यांनी अत्यंत स्पष्ट आणि कठोर इशारा दिला आहे. या प्रकरणातील दोषींना कोणत्याही परिस्थितीत सोडले जाणार नाही, अशी ठाम भूमिका त्यांनी मांडली आहे.
पेपरफुटी प्रकरणातील गुन्हेगारांना लवकरात लवकर आणि कडक शिक्षा व्हावी, यासाठी विशेष फास्ट ट्रॅक कोर्ट (Fast Track Court) स्थापन केले जाणार असल्याचे पंतप्रधानांनी स्पष्ट केले.
संसदेच्या आगामी अधिवेशनात नवे विधेयक
नीट पेपरफुटीप्रकरणी कठोर शिक्षेची तरतूद असलेल्या कायद्याच्या मसुद्यावर केंद्रीय मंत्रिमंडळाच्या बैठकीत चर्चा केली जाणार आहे. त्यानंतर, संसदेच्या आगामी पावसाळी अधिवेशनाच्या दुसऱ्या आठवड्यात हे महत्त्वपूर्ण विधेयक मंजुरीसाठी पटलावर सादर केले जाण्याची शक्यता आहे. या कायद्यामुळे परीक्षांमधील गैरप्रकारांना आळा घालण्यासाठी प्रशासनाला कायदेशीर ताकद मिळणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:44 25-07-2026
