लोटे, खेर्डी व खडपोली औद्योगिक वसाहतींसह नदीकाठच्या गावांच्या पाणीपुरवठ्याला मिळणार मोठा आधार
Koyna Water Release Vashishti River संदर्भात कोयना धरण पूर्ण क्षमतेने भरल्याने चिपळूण तालुक्यासाठी अत्यंत दिलासादायक चित्र निर्माण झाले आहे. कोयना जलविद्युत प्रकल्पातून पूर्ण क्षमतेने वीजनिर्मिती सुरू राहिल्यास, त्यांनतर सोडण्यात येणारे अवजल पोफळीमार्गे थेट वाशिष्ठी नदीत दाखल होणार आहे. यामुळे चिपळूण शहरासह वाशिष्ठी नदीवर अवलंबून असलेल्या नदीकाठच्या गावांच्या पाणीपुरवठ्याला मोठा आधार मिळण्याची शक्यता निर्माण झाली आहे.
Koyna Water Release Vashishti River: औद्योगिक वसाहती आणि नळपाणी योजनांसाठी महत्त्वाचे
गेल्या उन्हाळ्यात कोयना जलाशयातील पाणीसाठा कमी झाल्याने जलविद्युत प्रकल्पातील वीजनिर्मितीवर मर्यादा आल्या होत्या आणि त्याचा थेट परिणाम वाशिष्ठी नदीच्या प्रवाहावर झाला होता. वीजनिर्मितीनंतरचे पाणी पोफळीमार्गे वाशिष्ठी नदीत सोडले जात असल्याने चिपळूण पालिकेच्या पाणीपुरवठ्यासाठी वाशिष्ठी नदी हा मुख्य आधार आहे.
नदीकाठच्या अनेक गावांच्या नळपाणी योजनाही याच नदीवर अवलंबून आहेत. याशिवाय लोटे, खेर्डी आणि खडपोली औद्योगिक परिसरातील उद्योगांसाठीही एमआयडीसीकडून याच नदीतून पाणी उचलले जाते. त्यामुळे कोयना प्रकल्पातील वीजनिर्मिती सुरळीत राहणे हे केवळ पिण्याच्या पाण्यासाठीच नव्हे, तर उद्योगांच्या पाणीपुरवठ्यासाठीही अत्यंत महत्त्वाचे ठरणार आहे.
उन्हाळ्यातील संभाव्य टंचाईची चिंता दूर होण्याची शक्यता
कोयना धरणात सध्या मुबलक पाणीसाठा उपलब्ध असल्याने आगामी उन्हाळ्यात वीजनिर्मितीसाठी पुरेसे पाणी उपलब्ध राहिल्यास वाशिष्ठीचा प्रवाह सातत्याने टिकून राहण्यास मदत होईल. परिणामी, चिपळूण शहरासह नदीकाठच्या गावांवरील संभाव्य पाणीटंचाईचा धोका कमी होण्यास मोठी मदत होणार आहे.
कोयना धरणातील पाणीसाठा हा केवळ वीजनिर्मितीचा स्रोत नसून वाशिष्ठी नदीच्या प्रवाहासाठीही मुख्य आधार मानला जातो. त्यामुळे आगामी काळात वीजनिर्मिती कितपत सातत्याने सुरू राहते आणि त्याचा वाशिष्ठीच्या पाणीपातळीवर काय सकारात्मक परिणाम होतो, याकडे संपूर्ण चिपळूणकरांचे लक्ष लागले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:16 29-08-2026
