भारत माता प्रभाग संघासाठी १ कोटी रुपये मंजूर; पावस-ओणी-पाचल ते विठ्ठल बाजार रस्त्यासाठी ३५० कोटींची प्रशासकीय मान्यता
Pachal Development Funds MLA Kiran Samant च्या माध्यमातून राजापूर तालुक्यात राजापूरनंतर विकसित होणारी पाचल ही दोन नंबरची महत्त्वाची बाजारपेठ आहे. पाचलच्या सर्वांगीण विकासासाठी आपल्या माध्यमातून तसेच ग्रामपंचायतीच्या माध्यमातून भरीव निधी उपलब्ध करून देण्यात आला असून, आगामी काळातही विकासासाठी निधी कमी पडू दिला जाणार नाही, असे आश्वासन आमदार किरण सामंत यांनी दिले. पाचल येथे १५ व्या वित्त आयोग निधीमधून पार पडलेल्या साहित्य वाटप कार्यक्रमात ते बोलत होते.
Pachal Development Funds MLA Kiran Samant: विविध विकासकामांसाठी कोट्यवधींच्या निधीची तरतूद
आपल्या भाषणात पुढे बोलताना आमदार किरण सामंत यांनी परिसरातील विविध रस्ते व पुलांच्या कामांचा आढावा दिला:
- पावस-ओणी-पाचल ते विठ्ठल बाजार रस्ता: या रस्त्याच्या कामाला प्रशासकीय मंजुरी मिळाली असून यासाठी तब्बल साडेतीनशे (३५०) कोटी रुपये मंजूर झाले आहेत.
- तळवडे-पाचल पूल: तळवडे-पाचल या पुलाच्या बांधकामासाठी आवश्यक निधी प्राप्त झाला आहे.
- पांगरी गाव पुनर्वसन: पांगरी गावाच्या पुनर्वसनासाठी विशेष निधीची तरतूद करण्यात आली आहे.
- भारत माता प्रभाग संघ: प्रभाग संघाच्या बळकटीकरणासाठी १ कोटी रुपयांचा निधी मंजूर झाल्याची घोषणा यावेळी करण्यात आली.
माजी सरपंच अशोक सक्रे यांचा सत्कार आणि प्रमुख उपस्थिती
कार्यक्रमादरम्यान जिल्ह्यात ‘आदर्श ग्रामपंचायत’ म्हणून नावलौकिक मिळवल्याबद्दल पाचल ग्रामपंचायतीचे माजी सरपंच अशोक सक्रे यांचा विशेष सत्कार करण्यात आला.
या सोहळ्याला सरपंच बाबालाल फरास, उपसरपंच आत्माराम सुतार, सभापती नंदिनी कदम, पंचायत समिती सदस्य अपेक्षा मासये, समीक्षा वाफिलकर, प्रसाद मोहरकर, माजी सरपंच अशोक सक्रे, ग्रामपंचायत सदस्य सिद्धार्थ जाधव, संजय पाथरे, तंटामुक्त अध्यक्ष विनायक खानविलकर, पाचल व्यापारी संघटना अध्यक्ष आण्णा पाथरे, माजी पोलीस पाटील रवींद्र खानविलकर, आप्पा साळवी, विभाग प्रमुख शैलेश साळवी, अमर जाधव, सुरेश ऐनारकर आणि संदीप बारसकर यांसह अनेक मान्यवर उपस्थित होते.
कार्यक्रम प्रसंगी प्रास्ताविक व स्वागत सरपंच बाबालाल फरास यांनी केले, तर सूत्रसंचालन शिक्षक सिद्धार्थ जाधव यांनी केले.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:25 29-08-2026
