गोवा ते मुंबई महामार्गावर पादचाऱ्यांच्या जीवितास धोका निर्माण होईल अशी गाडी उभी केल्याप्रकरणी चालकावर कारवाई
रत्नागिरी :
महिंद्रा कारमुळे वाहतुकीस अडथळा निर्माण करून पादचाऱ्यांच्या जीवितास धोका निर्माण होईल अशा स्थितीत वाहन उभे केल्याप्रकरणी एका कार चालकाविरोधात खेड पोलीस ठाण्यात गुन्हा दाखल करण्यात आला आहे. गोवा ते मुंबई महामार्गावर ३० ऑगस्ट रोजी सायंकाळी ५.५० वाजण्याच्या सुमारास ही घटना घडली.
सुकवली येथील कार चालकावर कारवाई
पोलिसांनी दिलेल्या माहितीनुसार, गोवा ते मुंबई महामार्गावरून जाणाऱ्या वाहनांची रहदारी रोखली जाईल तसेच पादचाऱ्यांच्या सुरक्षेला धोका निर्माण होईल अशा निष्काळजीपणे महिंद्रा सुप्रो गाडी (क्रमांक MH 08 AP 6608) रस्त्यावर उभी करण्यात आली होती. याप्रकरणी चालक मधुकर संभाजी तटकरे (रा. गवळवाडी, सुकवली, ता. खेड, जि. रत्नागिरी) याच्याविरोधात खेड पोलीस ठाण्यात गुन्हा नोंदवण्यात आला आहे.
पोलीस कॉन्स्टेबल किरण सपकाळे यांची फिर्याद
महामार्गावरील वाहतूक व्यवस्था सुरळीत ठेवण्यासाठी आणि संभाव्य अपघात टाळण्यासाठी ही कायदेशीर कारवाई करण्यात आली आहे. या प्रकरणी खेड पोलीस ठाण्याचे पोलीस कॉन्स्टेबल किरण रमेश सपकाळे यांनी अधिकृत फिर्याद दिली आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:29 01-09-2026
