प्रवाशांमध्ये भीती; वनविभागाने तातडीने उपाययोजना करण्याची मागणी
देवरुख, रत्नागिरी:
Bison Attack on Devrukh Ratnagiri Road आणि वन्यजीवांच्या वाढत्या वावरामुळे देवरुख-रत्नागिरी मार्गावर गुरुवारी सकाळी ९ वाजेच्या सुमारास आंबव गावाच्या हद्दीत एक भीषण अपघात घडला. रस्त्यात अचानक आलेल्या एका धिप्पाड गवा रेड्याने धावत्या मोटारसायकलला जोरदार धडक दिली. या अपघातात दुचाकीस्वार तरुण गंभीर जखमी झाला असून तो देवरुख-साडवली परिसरातील रहिवासी असल्याची प्राथमिक माहिती समोर आली आहे.
अचानक आलेल्या गव्याच्या धडकेने दुचाकी हवेत उडाली
Bison Attack on Devrukh Ratnagiri Road आणि अपघाताचा घटनाक्रम
मिळालेल्या माहितीनुसार, संबंधित तरुण सकाळी ९ वाजण्याच्या सुमारास आपल्या मोटारसायकलवरून देवरुख-रत्नागिरी मार्गावरून प्रवास करत होता. गाडी आंबवजवळ पोहोचताच जंगलातून अचानक एक गवा रस्त्यावर धावत आला. अचानक घडलेल्या या प्रसंगाने दुचाकीस्वाराला सावरण्याची संधीच मिळाली नाही. गव्याने मारलेल्या थेट धडकेमुळे मोटारसायकल हवेत उडून रस्त्याकडेला फेडली गेली.
स्थानिकांच्या मदतीने तरुणाला रुग्णालयात दाखल; पोलीस व वनविभाग सतर्क
अपघाताचा आवाज ऐकून स्थानिक ग्रामस्थांनी तातडीने घटनास्थळी धाव घेतली. या घटनेत तरुणाच्या डोक्याला आणि हाता-पायाला गंभीर दुखापत झाल्याने तो रक्ताच्या थारोळ्यात पडला होता. उपस्थितांच्या मदतीने त्याला तातडीने उपचारासाठी जवळच्या रुग्णालयात दाखल करण्यात आले आहे. घटनेची माहिती मिळताच देवरुख पोलिसांनी घटनास्थळी पोहोचून पंचनामा सुरू केला असून वन्यजीव विभागालाही यासंदर्भात सुचित करण्यात आले आहे.
या मार्गावर गेल्या काही दिवसांपासून गवा रेड्यांचा वावर मोठ्या प्रमाणात वाढला असल्याने वाहनधारकांमध्ये भीतीचे वातावरण आहे. वनविभागाने आणि प्रशासनाने यावर त्वरित उपाययोजना करावी, अशी तीव्र मागणी स्थानिक नागरिकांकडून केली जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:57 05-09-2026
