सणासुदीच्या दिवसांत मोठी वाहतूक कोंडी
चिपळूण, रत्नागिरी:
Chiplun Bus Stand Digging आणि त्यामुळे निर्माण होणाऱ्या वाहतूक कोंडीमुळे चिपळूणकर नागरिक आणि प्रवासी त्रस्त झाले आहेत. दहीहंडी आणि गणेशोत्सवासारखे मोठे सण तोंडावर आले असताना शहराच्या मध्यवर्ती बसस्थानकासमोरील भोगाळे रस्त्यावर महानगर गॅस कंपनीने नगरपालिका प्रशासनाची कोणतीही अधिकृत परवानगी न घेता खोदाई केल्याचा गंभीर आरोप नागरिकांकडून केला जात आहे. या खोदाईमुळे परिसरात मोठी वाहतूक कोंडी निर्माण होऊन नागरिकांची आणि वाहनधारकांची प्रचंड गैरसोय होत आहे.
पाच ते सहा फूट खोल खोदाईमुळे अपघाताचा धोका
Chiplun Bus Stand Digging आणि रस्त्याची झालेली दुरवस्था
मध्यवर्ती बसस्थानकासमोरील रस्त्यावर जवळपास पाच ते सहा फूट खोल खोदाई करण्यात आली आहे. ऐन सणासुदीच्या काळात या परिसरात वाहनांची मोठी वर्दळ असते. खोदाईमुळे रस्ता अरुंद झाल्याने वाहनांच्या लांबच लांब रांगा लागत असून वाहनचालकांना मोठा त्रास सहन करावा लागत आहे.
खोदाई केलेल्या भागात केवळ भराव टाकून रस्ता पूर्ववत करण्याचा प्रयत्न झाल्यास, बाहेरून दहीहंडी व गणेशोत्सवासाठी येणाऱ्या वाहनांची चाके किंवा वाहने यात अडकण्याची मोठी भीती व्यक्त केली जात आहे. रस्त्याच्या डाव्या बाजूचीही मोठ्या प्रमाणात दुरवस्था झाल्याचा आरोप नागरिकांनी केला आहे.
नगरपालिकेकडून काम स्थगित; म्हाणानगॅसवर कारवाईची मागणी
ऐन सणासुदीच्या काळात महत्त्वाच्या आणि वर्दळीच्या रस्त्याची अशा प्रकारे खोदाई केल्याबद्दल नागरिकांमधून तीव्र संताप व्यक्त होत आहे. घटनेचे गांभीर्य ओळखून चिपळूण नगरपालिका प्रशासनाने सायंकाळाच्या सुमारास हस्तक्षेप करत संबंधित काम तातडीने बंद करण्यास सांगितले आहे. मात्र, नगरपालिकेची अधिकृत परवानगी नसताना रस्त्याची खोदाई करणाऱ्या संबंधित महानगर गॅस कंपनीवर कडक कायदेशीर कारवाई करण्यात यावी, अशी जोरदार मागणी आता चिपळूणच्या स्थानिक नागरिकांमधून केली जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:04 05-09-2026
