पद्मभूषण पुरस्कार सोहळ्यानंतर डीडी न्यूजला दिली विशेष मुलाखत; आजाराशी लढा देत चाहत्यांशी साधला मनमोकळा संवाद
बॉलीवूडच्या प्रसिद्ध पार्श्वगायिका अलका याज्ञिक गेल्या दोन वर्षांपासून प्रसिद्धीझोतापासून दूर होत्या. आपल्या सुमधूर आवाजाने अनेक दशके रसिकांच्या मनावर राज्य करणाऱ्या अलका याज्ञिक एका दुर्मिळ आजाराशी लढा देत आहेत. तब्बल दोन वर्षांच्या ब्रेकनंतर त्या पुन्हा कॅमेऱ्यासमोर आल्या असून त्यांनी डीडी न्यूजला दिलेल्या मुलाखतीत आपल्या प्रकृतीबाबत भाष्य करत “मी ठीक आहे” असा विश्वास चाहत्यांना दिला आहे.
सेन्सोरिन्यूरल हिअरिंग लॉस आजाराचे स्वरूप
अलका याज्ञिक यांना ‘सेन्सोरिन्यूरल हिअरिंग लॉस’ (Sensorineural Hearing Loss – SNHL) हा दुर्मिळ श्रवणदोष झाला आहे. एका अचानक झालेल्या व्हायरल अटॅकनंतर ही स्थिती उद्भवली असून यामुळे त्यांच्या ऐकण्याच्या क्षमतेवर गंभीर परिणाम झाला आहे.
- आचाराचे कारण: जेव्हा कानाच्या आतील भागाला किंवा श्रवण चेतासंस्थेला (Hearing Nerves) इजा पोहोचते, तेव्हा मेंदूला ध्वनीवर प्रक्रिया करणे कठीण होते.
- संभाव्य कारणे: हा आजार वाढत्या वयोमानामुळे, संसर्गामुळे, ट्रॉमामुळे किंवा व्हायरल अटॅकमुळे उद्भवू शकतो.
पद्मभूषण पुरस्कार आणि आईच्या आठवणी
अलका याज्ञिक यांना २०२६ मध्ये भारत सरकारच्या प्रतिष्ठित ‘पद्मभूषण’ पुरस्काराने सन्मानित करण्यात आले. २३ जून २०२६ रोजी पार पडलेल्या या सोहळ्यात त्या व्हीलचेअरवर उपस्थित राहिल्या होत्या, ज्यामुळे चाहत्यांमध्ये काळजीचे वातावरण निर्माण झाले होते.
मुलाखतीत बोलताना त्यांनी खालील भावना व्यक्त केल्या:
- पुरस्काराबाबत आनंद: “सरकारकडून कलाकाराच्या कामाची दखल घेतली जाणे ही विशेष भावना आहे. एवढा मोठा सन्मान मिळेल अशी कधी अपेक्षा केली नव्हती.”
- आईचे प्रोत्साहन: “माझ्या आईला माझ्यात काहीतरी खास आहे आणि मी संगीत क्षेत्रात उत्तम काम करू शकते असा विश्वास होता. आईच्या प्रोत्साहनामुळेच मी गायन क्षेत्रात येऊ शकले.”
मुलाखतीदरम्यान त्या पूर्वीपेक्षा काहीशा संथपणे बोलताना दिसल्याने चाहत्यांनी सोशल मीडियावर त्या लवकरात लवकर पूर्णपणे बऱ्या व्हाव्यात, अशा प्रार्थना आणि शुभेच्छा व्यक्त केल्या आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:04 09-09-2026
