सह्याद्री नगर मित्रमंडळाच्या सातत्यपूर्ण पाठपुराव्याला यश; संगमेश्वर तालुक्यातील दुर्दैवी घटनेनंतर प्रशासनाचा सकारात्मक प्रतिसाद
संगमेश्वर गवारेडा हल्ला मदत प्रकरणात वन विभागाकडून तातडीने पावले उचलण्यात आली असून, दुर्दैवी घटनेत प्राण गमावलेल्या स्वप्नील पेडामकर यांच्या कुटुंबाला शासकीय मदतीचा धनादेश सुपूर्द करण्यात आला आहे. संगमेश्वर तालुक्यातील साडवली येथील सह्याद्रीनगर परिसरातील रहिवासी असलेल्या स्वप्नील यांच्या पश्चात्य त्यांच्या आईकडे वन अधिकाऱ्यांनी मदतीची रक्कम सुपूर्द केली. या शासकीय आर्थिक मदतीमुळे अत्यंत कठीण परिस्थितीत असलेल्या पीडित कुटुंबाला काहीसा दिलासा मिळाला आहे.
उपचारादरम्यान झाली होती प्राणज्योत मालवली
काही दिवसांपूर्वी साडवली येथील ३४ वर्षीय तरुण स्वप्नील पेडामकर यांच्यावर आंबव येथे एका गवारेड्याने अचानक हल्ला केला होता. या भीषण हल्ल्यात स्वप्नील गंभीर जखमी झाले होते. घटनेनंतर लगेचच त्यांच्यावर वैद्यकीय उपचार सुरू करण्यात आले होते; मात्र उपचारांना अपेक्षित प्रतिसाद न मिळाल्याने उपचाराच्या चौथ्या दिवशी त्यांची प्राणज्योत मालवली. या घटनेमुळे संपूर्ण साडवली आणि संगमेश्वर परिसरात हळहळ व्यक्त केली जात होती.
संगमेश्वर गवारेडा हल्ला मदत: मित्रमंडळ आणि लोकप्रतिनिधींचा पाठपुरावा
स्वप्नील यांच्या निधनानंतर त्यांच्या कुटुंबाला योग्य न्याय व शासकीय मदत मिळवून देण्यासाठी सह्याद्री नगर मित्रमंडळाने पुढाकार घेतला. मंडळाच्या कार्यकर्त्यांनी केवळ स्थानिक स्तरावरच मदत केली नाही, तर स्थानिक लोकप्रतिनिधी आणि वन विभागाच्या वरिष्ठ अधिकाऱ्यांचे या गंभीर घटनेकडे लक्ष वेधले. वन्यप्राण्यांच्या हल्ल्यात झालेल्या मानवी हानीबाबत शासकीय नियमानुसार मिळणारी मदत लवकरात लवकर मिळावी, यासाठी मंडळाने सतत पाठपुरावा केला.
वन विभागाचे मानले आभार
मित्रमंडळाच्या या पाठपुराव्याला यश येऊन वन विभागाने शासकीय मदतीचा धनादेश स्वप्नील यांच्या आईकडे सोपवला. वन विभागाने दाखवलेल्या या सकारात्मक आणि जलद प्रतिसादाबद्दल विभागीय वनधिकारी गिरीजा देसाई, सहाय्यक वन संरक्षक प्रियांका लगड, परीक्षेत्र वनअधिकारी विक्रम गुरव, देवरूख वनपाल सागर गोसावी, साखरपा वनरक्षक सहयोग कराडे, आरवली वनरक्षक सूरज तेली, दाभोळे वनरक्षक सुप्रिया काळे आणि फुणगूस वनरक्षक आकाश कुडकर या सर्व अधिकाऱ्यांचे व कर्मचाऱ्यांचे विशेष आभार मानण्यात आले.
