चिपळूण तालुक्याचा दुष्काळग्रस्त यादीत समावेश करण्याची मागणी
चिपळूण :
Drought Relief Farmers Meeting Chiplun अंतर्गत महाराष्ट्र शासनाने राज्यभरात दुष्काळ जाहीर केला असला तरी, रत्नागिरी जिल्ह्यातील केवळ तीन तालुक्यांचाच या यादीत समावेश करण्यात आला आहे. उर्वरित सहा तालुके गंभीर दुष्काळी परिस्थिती असूनही शासकीय मदतीपासून वंचित राहिले आहेत. या पार्श्वभूमीवर चिपळूण तालुक्याचा दुष्काळग्रस्त तालुक्यांच्या यादीत समावेश करावा, या मुख्य मागणीसाठी गुरुवार दिनांक ८ ऑक्टोबर रोजी सकाळी १०.३० वाजता सावरकर सभागृह, चिपळूण येथे शेतकऱ्यांच्या बैठकीचे आयोजन करण्यात आले आहे.
पावभावामुळे शेती, फळबागा अन् पिकांचे ७० टक्क्यांहून अधिक नुकसान
यावर्षी पावसाने कोकणाकडे ऐनवेळी पाठ फिरवल्याने तालुक्यातील शेती, फळबागा आणि स्थानिक उद्योग मोठ्या संकटात सापडले आहेत.
भात व नाचणी पीक: भात आणि नाचणीची शेती ऐन फुलोऱ्यात असताना पाऊस थांबल्याने लोंब्यांचे दाणे पोचे (रिकामे) झाले आहेत. फलधारणाच न झाल्यामुळे या पिकांचे ७० टक्क्यांहून अधिक नुकसान झाले आहे.
फळबागा व रब्बी हंगाम: तापमानात प्रचंड वाढ झाल्यामुळे पाणीटंचाई निर्माण झाली असून आंबा, काजू, नारळ, फणस आणि कोकम या फळबागांवर याचा प्रतिकूल परिणाम होत आहे.
कडधान्ये पिके: जमीन कोरडी पडल्याने पावटा, कडवा, तूर, कुळीथ व हरभरा या रब्बी पिकांची पेरणी किंवा वाढ होणे अशक्य झाले आहे.
तांत्रिक निकष बाजूला ठेवून दुष्काळ जाहीर करण्याची मागणी
शासनाने कोणत्याही तांत्रिक निकषांची अट न लावता चिपळूण तालुका तातडीने दुष्काळग्रस्त म्हणून जाहीर करावा, अशी मागणी शेतकरी आणि ग्रामस्थांकडून केली जात आहे. या समस्येबाबत जनजागृती करण्यासाठी व शासनाकडून आवश्यक त्या उपाययोजना आखून घेण्यासाठी ‘कृषी वसंत शेतकरी संघ’ या संघटनेतर्फे या सभेचे आयोजन करण्यात आले आहे. तालुक्यातील सर्व शेतकरी बंधूंनी या सभेला मोठ्या संख्येने उपस्थित राहावे, असे आवाहन प्रकाश कणे यांनी केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:22 07-10-2026
