खोलीत आढळली औषधाची बाटली; प्रौढाचा रुग्णालयात मृत्यू
रत्नागिरी :
Golap Insecticide Consumption Death Case अंतर्गत रत्नागिरी तालुक्यातील गोळप-शिरंबाडवाडी येथील एका प्रौढाने अज्ञात कारणावरून विषारी कीटकनाशक प्राशन केल्याने उपचारादरम्यान त्यांचा मृत्यू झाला आहे. दीपक भिकाजी घाणेकर (वय ५२, रा. गोळप शिरंबाडवाडी, रत्नागिरी) असे मृत प्रौढाचे नाव आहे. ही घटना २८ सप्टेंबर रोजी दुपारी १.३० वाजेच्या सुमारास घडली असून या प्रकरणी पूर्णगड पोलिस ठाण्यात आकस्मिक मृत्यूची नोंद करण्यात आली आहे.
Golap Insecticide Consumption Death Case: घटनेचा क्रम आणि कौटुंबिक पार्श्वभूमी
मिळालेल्या माहितीनुसार, दीपक घाणेकर हे २८ सप्टेंबर रोजी दारू पिऊन घरी आले आणि अडगळीच्या खोलीत खाटेवर झोपले होते. त्यानंतर त्यांचा मुलगा त्यांना जेवणासाठी बोलविण्यास गेला असता, त्याला खोलीत उलट्या झालेल्या दिसल्या. संशय आल्याने त्याने अडगळीच्या खोलीत शोध घेतला असता तेथे कीटकनाशकाची बाटली आढळून आली.
जिल्हा शासकीय रुग्णालयात उपचार आणि पूर्णगड पोलिसांत नोंद
घटना उघडकीस येताच मुलाने वडिलांना तातडीने जिल्हा शासकीय रुग्णालयात दाखल केले. मात्र तेथील वैद्यकीय अधिकाऱ्यांनी त्यांना तपासून मृत घोषित केले. दीपक घाणेकर यांनी कोणत्या कारणातून हे पाऊल उचलले, याचे कारण अद्याप अस्पष्ट असून पूर्णगड पोलिस या प्रकरणाचा अधिक तपास करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:28 08-10-2026
