रत्नागिरीत १६ नोव्हेंबरपासून राज्य नाट्य स्पर्धेचा थरार रंगणार; ६५ व्या महाराष्ट्र राज्य हौशी मराठी नाट्य स्पर्धेचे संपूर्ण वेळापत्रक जाहीर!

​स्वा. वि. दा. सावरकर नाट्यगृहात होणार प्राथमिक फेरी; जिल्ह्यातील नाट्यप्रेमींसाठी १८ दर्जेदार नाटकांची पर्वणी

रत्नागिरी :
महाराष्ट्र शासनाच्या सांस्कृतिक कार्य संचालनालयाच्या वतीने आयोजित केल्या जाणाऱ्या बहुचर्चित ‘६५ व्या महाराष्ट्र राज्य हौशी मराठी नाट्य स्पर्धा २०२६-२७’ च्या प्राथमिक फेरीचे केंद्र यंदा रत्नागिरी ठरले आहे. शहरातील स्वातंत्र्यवीर विनायक दामोदर सावरकर नाट्यगृहात १६ नोव्हेंबर ते ९ डिसेंबर २०२६ या कालावधीत ही नाट्यस्पर्धा रंगणार असून, त्याचे अधिकृत वेळापत्रक जाहीर करण्यात आले आहे. दररोज सायंकाळी ७ वाजता ही नाटके सादर होणार असून नाट्यप्रेमींसाठी तिकीट दर अवघे १५ रुपये आणि १० रुपये ठेवण्यात आले आहेत.
सादर होणाऱ्या नाटकांचे सविस्तर वेळापत्रक (वेळ : दररोज सायं. ७ वा.) :
सोमवार, १६ नोव्हेंबर २०२६ : मेला तो शेवटचा होता (लेखक: विजय खानविलकर, दिग्दर्शक: दशरथ रांगणकर – स्वामी पिता माऊली चॅरिटेबल ट्रस्ट, कोळंबे, रत्नागिरी)
मंगळवार, १७ नोव्हेंबर २०२६ : व्हायरल आजोबा (लेखक: प्रल्हाद जाधव, दिग्दर्शक: लक्ष्मीकांत भाटकर – सुमती थिएटर्स, रत्नागिरी)
गुरुवार, १९ नोव्हेंबर २०२६ : लाईफलाईन (लेखक: अनिल काकडे, दिग्दर्शक: ओंकार पंडित – श्री विठ्ठल रखुमाई देवस्थान, पावसट)
शुक्रवार, २० नोव्हेंबर २०२६ : पितामह उवाच (लेखक: मिलिंद दातार, दिग्दर्शक: गणेश जोशी – श्री देव सोमेश्वर संयुक्त आणि ॲग्रोव्हमेंट ट्रस्ट)
शनिवार, २१ नोव्हेंबर २०२६ : प्रिय आईस (लेखक: वसंत कानेटकर, दिग्दर्शक: प्रज्ज्वला बागूल – सन्मान प्रतिष्ठान)
रविवार, २२ नोव्हेंबर २०२६ : ब्लेम ट्रॅप अँड गेम (लेखक व दिग्दर्शक: राजेश गोसावी – शिवस्वराज्य फाऊंडेशन, लांजा)
सोमवार, २३ नोव्हेंबर २०२६ : ॲन एनीमी ऑफ द पिपल (लेखक: तन्मय राऊत, दिग्दर्शक: गणेश राऊत – स्टार थिएटर, रत्नागिरी)
बुधवार, २५ नोव्हेंबर २०२६ : वॉरंट (लेखक: गंगाराम गवाणकर, दिग्दर्शक: चंद्रकांत कांबळे – संकल्प कलामंच, रत्नागिरी)
गुरुवार, २६ नोव्हेंबर २०२६ : चांदणी (लेखक: रोहित पगारे, दिग्दर्शक: अजिंक्य केसरकर – सहयोग, रत्नागिरी)
शुक्रवार, २७ नोव्हेंबर २०२६ : स्मृतिगंध (लेखक: अमोल मांडवकर, दिग्दर्शक: अनिल मांजरेकर – ओंकार मित्र मंडळ सामाजिक संस्था, काताळेवाडी, खारे)
शनिवार, २८ नोव्हेंबर २०२६ : स्वप्रपंख (लेखक: दिनेश कवडे, दिग्दर्शक: सुयोग बेंडल – ओम साई गणेश प्रतिष्ठान, मिरजोळे)
रविवार, २९ नोव्हेंबर २०२६ : Exception 375 (लेखक व दिग्दर्शक: भूषण बागूल – नेहरू युवा कलादर्शन नाट्य मंडळ, पाली)
सोमवार, ३० नोव्हेंबर २०२६ : षडयंत्र (लेखक: सुरेश जयराम, दिग्दर्शक: शेखर मुख्ये – मधू मिलिंद प्रतिष्ठान, रत्नागिरी)
मंगळवार, १ डिसेंबर २०२६ : अंधारवाटा (लेखक व दिग्दर्शक: प्रवीण कांबळे – लांजा तालुका बौद्धजन मंडळ, मुंबई-ग्रामीण)
बुधवार, २ डिसेंबर २०२६ : सूर राहू दे (लेखक: शंकर नवरे, दिग्दर्शक: जनार्दन पेडणेकर – कुसुमेश्वर क्रीडा मंडळ, कोतवडे)
शुक्रवार, ४ डिसेंबर २०२६ : दैवायत्तम कुले जन्म (लेखक: डॉ. समीर मोने, दिग्दर्शक: ओंकार पाटील – समर्थ रंगभूमी, रत्नागिरी)
शनिवार, ५ डिसेंबर २०२६ : दि ॲनॉनिमस (लेखक: अतुल साळवे, दिग्दर्शक: संदीप शेट्ये – खाल्वायन, रत्नागिरी)
रविवार, ६ डिसेंबर २०२६ : शेवंता जिती हाय (लेखक: प्रल्हाद जाधव, दिग्दर्शक: निलेश सज्जन मुळे – कै. संभाजीराव महादेवराव भोसले फाउंडेशन संचलित ऐश्वर्या आर्ट अकॅडमी, पोफळी)
सोमवार, ७ डिसेंबर २०२६ : करायला गेलो एक आणि… (लेखक व दिग्दर्शक: धनवंत कासेकर – जय हनुमान विश्वस्त संस्था, रत्नागिरी)
मंगळवार, ८ डिसेंबर २०२६ : फक्त एकदा वळून बघ (लेखक: रविंद्र वाडकर, दिग्दर्शक: संदेश तोडणकर – करडे वाडी क्रीडा मंडळ, मुंबई मैत्री, रत्नागिरी)
बुधवार, ९ डिसेंबर २०२६ : तिचे संदर्भ नसलेली गोष्ट (लेखक: डॉ. प्रमोद खाडिलकर, दिग्दर्शक: स्वप्नील धनावडे – आश्रय सेवा संस्था, रत्नागिरी)
नाट्यप्रेमींनी लाभ घेण्याचे आवाहन :
रत्नागिरीतील स्थानिक कलाकारांच्या कलागुणांना दाद देण्यासाठी आणि दर्जेदार नाटकांचा आनंद घेण्यासाठी नागरिकांनी, रसिकांनी मोठ्या संख्येने उपस्थित राहावे, असे आवाहन सांस्कृतिक कार्य संचालनालयाचे संचालक प्रशांत खेडकर यांच्या वतीने करण्यात आले आहे.