रत्नागिरी : मांडवी येथे मद्यपान करणाऱ्या विरोधात गुन्हा

रत्नागिरी : शहरातील मांडवी येथील सार्वजनिक रस्त्यावर मद्यप्राशन करणाऱ्या विरोधात शहर पोलिस ठाण्यात गुन्हा दाखल करण्यात आला आहे. ही कारवाई रविवार १२ जानेवारी रोजी रात्री ९.३० वा. सुमारास करण्यात आली. केतन दिलीप साळुंखे (२३, रा. आनंदनगर, रत्नागिरी) असे गुन्हा दाखल करण्यात आलेल्या संशयिताचे नाव आहे.

त्याच्याविरोधात पोलिस हेड काँस्टेबल पंज पडेलकर यांनी तक्रार दिली आहे. त्यानुसार, रविवारी रात्री संशयित हा मांडवी येथील एका बारच्या बाजूला सार्वजनिक रस्त्यावर आपल्याकडे दारु पिण्याचा कोणताही परवाना नसताना दारु पित असताना ही कारवाई करण्यात आली.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
04:01 PM 14/Jan/2025