जालगाव : दापोली तालुक्यातील भडवळे ऊसवाडी येथील अक्षता चंद्रकांत खरे ही तरुणी बेपत्ता झाल्याची घटना १४ जानेवारी २०२५ रोजी घडली. या बाबत दापोली पोलिस ठाण्यातून मिळालेल्या माहितीनुसार अक्षता खरे (२२, रा. भडवळे ऊसवाडी) ही दि. १४ जानेवारी २०२५ रोजी सकाळी साडे दहा वाजता आपल्या घरातून कोणालाही न सांगता निघून गेली. घरातील व्यक्तींनी तिची आजूबाजूला तसेच नातेवाईकांकडे चौकशी केली असता ती कुठेही आढळली नसल्याने अक्षता हिची आई शर्वरी खरे यांनी दापोली पोलिस ठाण्यात ती बेपत्ता असल्याची खबर दिली आहे. या घटनेचा अधिक तपास पोलीस उपनिरीक्षक देशमुख करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:20 AM 15/Jan/2025
