कापडगाव येथे कारला धडक दिल्याप्रकरणी एसटी चालकावर गुन्हा

रत्नागिरी : ओव्हरटेक करण्याच्या नादात पुढील कारला एसटीने मागून धडक देत अपघात केला. याप्रकरणी एसटी चालकाविरोधात ग्रामीण पोलिस ठाण्यात गुन्हा दाखल करण्यात आला आहे. अपघाताची ही घटना २८ डिसेंबर २०२४ रोजी सकाळी ९.४५ वा. सुमारास मुंबई-गोवा महामार्गावरील कापडगाव येथे घडली होती. सुनिल शरद नाकीर (३६) असे गुन्हा दाखल करण्यात आलेल्या एसटी चालकाचे नाव आहे. त्याच्या विरोधात महिला पोलिस हवालदार तृप्ती सावंतदेसाई यांनी तक्रार दिली आहे. त्यानुसार, २८ डिसेंबर रोजी सुनील नाकीर आपल्या ताब्यातील एसटी (एमएच-०९- एफएल-०३७०) घेऊन राजापूर डेपोवरुन रत्नागिरी डेपोमध्ये प्रवासी घेउन येत होता. तो भरधाव वेगाने येत असताना कापडगाव येथे आपल्या पुढील अल्टो कार (एमएच-०३-एझेड-११६४) ला ओव्हरटेक करत होता. परंतू त्याचवेळी समोरुन एक वाहन आल्याने त्याने एसटी डाव्या बाजूस घेतली असता, एसटीची पुढील कारला पाठीमागून धडक बसून हा अपघात झाला होता. या प्रकरणी मंगळवार १४ जानेवारी रोजी ग्रामीण पोलिस ठाण्यात गुन्हा दाखल करण्यात आला आहे.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:54 AM 16/Jan/2025