रत्नागिरी : रत्नागिरी नगरपालिका सार्वत्रिक निवडणूक २०२५ (Ratnagiri Municipal Election 2025) साठी उमेदवारी अर्ज दाखल करण्याची प्रक्रिया आता अंतिम टप्प्यात आली आहे. अर्ज दाखल करण्यासाठी उमेदवारांकडे आता फक्त दोन दिवस (रविवार, १६ नोव्हेंबर आणि सोमवार, १७ नोव्हेंबर) शिल्लक आहेत.
आज, शनिवार, दिनांक १५ नोव्हेंबर रोजी अर्ज भरण्यासाठी इच्छुकांची मोठी गर्दी दिसून आली. निवडणूक निर्णय अधिकारी कार्यालयाने दिलेल्या माहितीनुसार, आज दुपारी ३ वाजेपर्यंत एकाच दिवशी १७ उमेदवारांनी आपले नामनिर्देशनपत्र दाखल केले. यामुळे निवडणुकीसाठी दाखल झालेल्या एकूण अर्जांची संख्या २० वर पोहोचली आहे.
पक्षनिहाय बलाबल (१५ नोव्हेंबर अखेर)
आजअखेर दाखल झालेल्या २० अर्जांमध्ये, शिवसेनेने (Shiv Sena) सर्वाधिक ९ उमेदवार रिंगणात उतरवले आहेत, तर भाजपने (BJP) ५ उमेदवारांचे अर्ज दाखल केले आहेत. यासोबतच प्रहार जनशक्ती पक्षाने (Prahar Janashakti Party) २ आणि अपक्ष (Independent) म्हणून ४ जणांनी अर्ज भरले आहेत.
- शिवसेना: ०९
- भारतीय जनता पक्ष (भाजप): ०५
- प्रहार जनशक्ती पक्ष: ०२
- अपक्ष: ०४
- एकूण अर्ज: २०
आजअखेर अर्ज दाखल केलेले उमेदवार (संपूर्ण यादी)
दिनांक १५/११/२०२५ रोजी प्राप्त नामनिर्देशन पत्र (एकूण १७)
प्रहार जनशक्ती पक्ष – १ १. केसरकर सोनाली महादेव
शिवसेना – ९ १. हळदणकर श्रद्धा संजय २. होडेकर आफरीन ओबेदुल्लाह ३. नायर निमेश विजय ४. भारती गणेश कमलाकर ५. मलुष्टे सौरभ सुरेश ६. साळवी दत्तात्रय विजय ७. शेट्ये राजन रामकृष्ण ८. साखरकर सुहेल अब्दुल लतीफ ९. खेडेकर विजय गोविंद
भाजप – ५ १. रसाळ सुप्रिया संदिप २. तिवरेकर समीर जगन्नाथ ३. करमरकर मानसी सचिन ४. ढेकणे वर्षा परशुराम ५. तोडणकर राजेश कृष्णा
अपक्ष – २ १. चवंडे संकेत सुगंध २. वस्ता शाहीद समीर
यापूर्वी दाखल झालेले अर्ज (एकूण ३)
दिनांक १४/११/२०२५ रोजी प्राप्त नामनिर्देशन पत्र – १ प्रहार जनशक्ती पक्ष – १ १. हळदवणेकर योगेश यशवंत
दिनांक १२/११/२०२५ रोजी प्राप्त नामनिर्देशन पत्र – २ अपक्ष – २ १. बावांनी मतीन याकुब सत्तार २. बावांनी हीना मतीन
शेवटच्या दिवशी ‘बंडखोरी’ची शक्यता?
आज १५ उमेदवारांनी अर्ज दाखल केले असले तरी, (यात शिवसेनेचे ९ आणि भाजपचे ५ आहेत), खरा ‘सस्पेन्स’ शेवटच्या दिवशी, म्हणजेच सोमवार, १७ नोव्हेंबर रोजी असणार आहे. महायुती आणि महाविकास आघाडीकडून अद्याप अनेक जागांवर उमेदवार घोषित झालेले नाहीत. त्यामुळे ज्या इच्छुकांना अधिकृत उमेदवारी मिळणार नाही, ते बंडखोरी करून अपक्ष अर्ज भरण्याची दाट शक्यता आहे. त्यामुळे शेवटच्या दिवशी अर्जांची संख्या मोठ्या प्रमाणात वाढण्याची चिन्हे आहेत.
