रत्नागिरी : इतर मागास बहुजन कल्याण विभागांतर्गत वसतिगृहात प्रवेश सुरू
![रत्नागिरी : इतर मागास बहुजन कल्याण विभागांतर्गत वसतिगृहात प्रवेश सुरू](https://ratnagirikhabardar.com/uploads/images/202406/image_870x_666be17c50cee.jpg)
रत्नागिरी : शासनाच्या इतर मागास बहुजन कल्याण विभागांतर्गत जिल्ह्यामध्ये मंजूर मुला-मुलींचे (एकूण २) वसतिगृह नव्याने सुरू झाले आहे. या वसतिगृहांमध्ये प्रवेश घेण्याचे आवाहन करण्यात आले आहे.
इतर मागास प्रवर्ग, विमुक्त जाती, भटक्या जमाती व विशेष मागास प्रवर्गातील १२ वीनंतरच्या व्यावसायिक व बिगर व्यावसायिक अभ्यासक्रमांच्या प्रवेशित विद्यार्थ्यांना प्रवेश देण्यात येणार आहे. प्रवेशांसाठी संबंधित वसतिगृहामध्ये अर्जांचे वाटप सुरू आहे. इच्छुक व पात्र विद्यालयीन विद्यार्थ्यांनी गृहपाल यांच्याकडून वसतिगृह प्रवेश अर्ज घेऊन तात्काळ भरून संबंधित वसतिगृहात जमा करावेत, असे आवाहन सहाय्यक आयुक्त, समाज कल्याण यांनी केले आहे.
व्यावसायिक व बिगर व्यावसायिक अभ्यासक्रमाच्या प्रवेशासाठी वसतिगृहात अर्ज उपलब्ध आहेत. या वसतिगृहांमध्ये विद्यार्थ्यांना मोफत भोजन, निवास, शैक्षणिक साहित्य व दरमहा निर्वाह भत्ता दिला जातो. या वसतिगृहामध्ये शासनाकडून वेळोवेळी प्राप्त होणाऱ्या सर्व सोयीसुविधा दिल्या जाणार आहेत. प्रवेश घेण्याकरिता संबंधित वसतिगृहात संपर्क साधावा.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
11:27 14-06-2024
What's Your Reaction?
![like](https://ratnagirikhabardar.com/assets/img/reactions/like.png)
![dislike](https://ratnagirikhabardar.com/assets/img/reactions/dislike.png)
![love](https://ratnagirikhabardar.com/assets/img/reactions/love.png)
![funny](https://ratnagirikhabardar.com/assets/img/reactions/funny.png)
![angry](https://ratnagirikhabardar.com/assets/img/reactions/angry.png)
![sad](https://ratnagirikhabardar.com/assets/img/reactions/sad.png)
![wow](https://ratnagirikhabardar.com/assets/img/reactions/wow.png)