देवेंद्र फडणवीसांनी भाजप राष्ट्रीय अध्यक्षपदाची शक्यता नाकारली
नागपूर : उपमुख्यमंत्री देवेंद्र फडणवीस हे भाजपचे राष्ट्रीय अध्यक्ष होतील, अशी चर्चा गेल्या काही दिवसांपासून राजकीय वतुर्ळात सुरू आहे. मात्र, फडणवीस यांनी शुक्रवारी नागपुरात ही शक्यता नाकारली.
नागपूर जिल्हा नियोजन समितीची शुक्रवारी बैठक झाली. या बैठकीत उपमुख्यमंत्री देवेंद्र फडणवीस हे उपस्थित होते. बैठकीत आलेल्या सर्व नेत्यांमध्येही फडणवीस हे राष्ट्रीय अध्यक्ष होणार असल्याची कुजबूज सुरू होती. पण शेवटी फडणवीस यांनीच या विषयावरील पडदा उचलला. ते राष्ट्रीय अध्यक्ष होणार नाही, असे त्यांनी स्पष्ट केले. मात्र, यामुळे ते सध्यातरी दिल्लीत जाणार नसून राज्यातच काम करतील हे देखील स्पष्ट झाले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:49 02-08-2024
What's Your Reaction?