गुहागर-विजापूर राष्ट्रीय महामार्गाच्या काँक्रिटीकरणला मोठ्या भेगा
![गुहागर-विजापूर राष्ट्रीय महामार्गाच्या काँक्रिटीकरणला मोठ्या भेगा](https://ratnagirikhabardar.com/uploads/images/202406/image_870x_666021aac00ac.jpg)
गुहागर : गुहागर-विजापूर राष्ट्रीय महामार्गावरील चिखलीपासून ते देवघरपर्यंत काँक्रिटीकरणाला अजूनही मोठ्या प्रमाणात भेगा पडलेल्या दिसून येत आहेत. काही ठिकाणी या भेगांचे प्रमाण अधिक वाढल्याचे दिसून येत आहे.
गुहागर-विजापूर राष्ट्रीय महामार्गावरील शहरातील भूसंपादन प्रक्रिया झाली असली तरी अजूनही प्रशासकीय पातळीवरील अनास्थेपोटी पुढील हालचाल थांबली आहे. मार्च महिन्यापर्यंत संबंधित जागामालकांना रक्कम मिळेल, असे वारंवार सांगणारे चिपळूणचे प्रांताधिकारी यांनाही याचा विसर पडलेला दिसून येत आहे. राष्ट्रीय महामार्गाचे झालेल्या कामाच्या दर्जावर विचार करण्याची वेळ आली आहे. रात्रंदिवस राष्ट्रीय महामार्गाचे अधिकारी लक्ष ठेवून असलेल्या या कामाचा दर्जा ढासळला कसा सवाल उठत आहे. मनीषा कन्स्ट्रक्शनने केलेल्या या महामार्गाचे काँक्रिटीकरण अनेक ठिकाणी भेगा पडलेल्या स्थितीत दिसून येत आहे. दोन भागांमध्ये केलेल्या काँक्रिटच्या मध्यावरील पडलेली गॅप व कमी अधिक उंचीमुळे दुचाकी अपघात होण्याचीही शक्यता आहे.
चिखलीपासून ते देवघरपर्यंत मोठ्या प्रमाणात काँक्रिटला तडे गेले असून दिवसेंदिवस हे तडे आपली तोंडं उघडत आहेत. तीन महिन्यांपूर्वी काही ठिकाणचे खराब काँक्रिट काढून ठिगळ भरण्याचे काम या ठेकेदाराने केले होते. एवढेच नव्हे तर तडे गेलेल्या भागांमध्ये काँक्रिट भरले होते ते पुन्हा बाहेर आले असून हे तडे अधिक वाढले आहेत. यामुळे या पावसाळ्यामध्ये हे काँक्रिट टिकेल का, अशी शंका व्यक्त केली जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
01:57 PM 05/Jun/2024
What's Your Reaction?
![like](https://ratnagirikhabardar.com/assets/img/reactions/like.png)
![dislike](https://ratnagirikhabardar.com/assets/img/reactions/dislike.png)
![love](https://ratnagirikhabardar.com/assets/img/reactions/love.png)
![funny](https://ratnagirikhabardar.com/assets/img/reactions/funny.png)
![angry](https://ratnagirikhabardar.com/assets/img/reactions/angry.png)
![sad](https://ratnagirikhabardar.com/assets/img/reactions/sad.png)
![wow](https://ratnagirikhabardar.com/assets/img/reactions/wow.png)