सज्जन कुमार का ठरले होते. दोषी? जाणून घ्या संपूर्ण घटनाक्रम..
नवी दिल्ली:
Sajjan Kumar Passes Away 1984 Riots संदर्भात एक मोठी बातमी समोर आली आहे. काँग्रेसचे माजी खासदार आणि ज्येष्ठ नेते सज्जन कुमार यांचे गुरुवारी वयाच्या ८० व्या वर्षी निधन झाले. एएनआय (ANI) वृत्तसंस्थेने दिलेल्या माहितीनुसार, सज्जन कुमार यांना दिल्लीतील सफदरजंग रुग्णालयात आणले असता डॉक्टरांनी त्यांना मृत घोषित केले. १९८४ च्या भीषण शीखविरोधी दंगलींशी संबंधित प्रकरणांमध्ये दोषी ठरल्यानंतर ते दिल्लीच्या तिहार तुरुंगात जन्मठेपेची शिक्षा भोगत होते.
तीनपैकी दोन प्रकरणांमध्ये दोषी, एका प्रकरणात निर्दोष मुक्तता
सज्जन कुमार यांच्यावर १९८४ च्या शीखविरोधी दंगलीतील अनेक गंभीर गुन्ह्यांचे आरोप होते:
- दिल्ली कँटोन्मेंट (पालम कॉलनी) प्रकरण: पाच शिखांची हत्या आणि गुरुद्वारा जाळल्याच्या प्रकरणात दिल्ली उच्च न्यायालयाने १७ डिसेंबर २०१८ रोजी त्यांना दोषी ठरवून जन्मठेपेची शिक्षा सुनावली होती.
- सरस्वती विहार प्रकरण: १ नोव्हेंबर १९८४ रोजी सरदार जसवंत सिंग आणि त्यांचा मुलगा तरुंदीप सिंग यांची लोखंडी सळ्यांनी मारहाण करून जिवंत जाळल्याप्रकरणी १२ फेब्रुवारी २०२५ रोजी त्यांना दोषी ठरवण्यात आले होते व २५ फेब्रुवारी रोजी जन्मठेप सुनावण्यात आली होती.
- सुलतानपुरी प्रकरण: सप्टेंबर २०२३ मध्ये राऊस ॲव्हेन्यू न्यायालयाने सुलतानपुरीतील तीन शिखांच्या हत्येच्या प्रकरणात सबळ पुराव्यांअभावी त्यांची निर्दोष मुक्तता केली होती.
Sajjan Kumar Passes Away 1984 Riots: १९८४ शीखविरोधी दंगलीचा घटनाक्रम
देशाला हादरवून सोडणाऱ्या दंगलींची पार्श्वभूमी
३१ ऑक्टोबर १९८४ रोजी तत्कालीन पंतप्रधान इंदिरा गांधी यांची हत्या झाल्यानंतर देशभरात, विशेषतः दिल्लीत शीखविरोधी दंगली उसळल्या होत्या.
संसदेत माफी: दंगलीच्या २१ वर्षांनंतर तत्कालीन पंतप्रधान डॉ. मनमोहन सिंग यांनी संसदेत या दुर्देवी घटनेबद्दल देशवासीयांची आणि शीख समाजाची माफी मागितली होती.
३१ ऑक्टोबर १९८४: पंतप्रधान इंदिरा गांधी यांची हत्या.
१ नोव्हेंबर १९८४: दिल्लीसह देशभरात शीखविरोधी दंगली भडकल्या. यात एकट्या दिल्लीत सुमारे २,७०० तर देशभरात ३,५०० हून अधिक निष्पाप लोकांचा बळी गेला.
मे २०००: दंगलींच्या सखोल तपासासाठी नानावटी आयोगाची स्थापना.
२४ ऑक्टोबर २००५: नानावटी आयोगाच्या शिफारशींवरून सीबीआयने गुन्हे दाखल केले.
१ फेब्रुवारी २०१०: सत्र न्यायालयाकडून सज्जन कुमार यांच्यासह इतर आरोपींना समन्स.
३० एप्रिल २०१३: सत्र न्यायालयाकडून सज्जन कुमार यांची सुटका; जुलै २०१३ मध्ये सीबीआयची उच्च न्यायालयात धाव.
१७ डिसेंबर २०१८: दिल्ली उच्च न्यायालयाकडून सज्जन कुमार यांना दोषी ठरवून जन्मठेपेची शिक्षा.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:58 20-08-2026
