सलग सुट्ट्यांमुळे होणारी गर्दी लक्षात घेऊन मुख्य मार्गांवर अतिरिक्त फेऱ्या
रत्नागिरी:
Ratnagiri MSRTC Bus Raksha Bandhan निमित्त माहेरी जाणाऱ्या लाडक्या बहिणींचा आणि प्रवाशांचा प्रवास सुखकर व्हावा यासाठी महाराष्ट्र राज्य मार्ग परिवहन महामंडळाच्या (MSRTC) रत्नागिरी विभागाने विशेष तयारी केली आहे. २८, २९ आणि ३० ऑगस्ट दरम्यान रत्नागिरी विभागातून तब्बल ३० ते ३५ जादा एसटी बसेस सोडण्याचे नियोजन करण्यात आले आहे. प्रवाशांची गर्दी वाढल्यास गरजेनुसार आणखी फेऱ्या वाढवल्या जातील, अशी माहिती एसटी प्रशासनाकडून देण्यात आली आहे.
सलग सुट्ट्यांमुळे एसटी स्थानकांवर गर्दीची शक्यता
रक्षाबंधनानिमित्त आपापल्या मूळ गावी जाणाऱ्यांची संख्या दरवर्षी मोठी असते. यंदा २९ ऑगस्ट (शनिवार) आणि ३० ऑगस्ट (रविवार) अशा सलग सुट्ट्या आल्याने ग्रामीण तसेच शहरी भागातील एसटी बसस्थानकांवर प्रवाशांची प्रचंड गर्दी होण्याची शक्यता आहे. हीच बाब लक्षात घेऊन एसटी महामंडळाने आगाऊ नियोजन केले आहे. प्रवाशांची गैरसोय टाळण्यासाठी जास्तीत जास्त नागरिकांनी ऑनलाइन किंवा ऑफलाइन पद्धतीने तिकीट बुकिंग करावे, असे आवाहन करण्यात आले आहे.
‘या’ महत्त्वाच्या मार्गांवर सोडल्या जाणार जादा बसेस:
- ग्रामीण भाग: रत्नागिरीतून जिल्ह्यातील विविध अंतराळ ग्रामीण मार्गांवर अतिरिक्त फेऱ्या.
- लांब पल्ल्याचे मार्ग: मुंबई, पुणे, कोल्हापूर, सोलापूर, पंढरपूर, अक्कलकोट आणि विदर्भ.
Ratnagiri MSRTC Bus Raksha Bandhan: विभाग नियंत्रकांचे आश्वासन
— आश्वजित जानराव, विभाग नियंत्रक, रत्नागिरी एसटी विभाग
“रक्षाबंधनानिमित्त रत्नागिरी विभागातून सलग तीन दिवस ३० ते ३५ एसटी बसेसचे नियोजन करण्यात आले आहे. प्रवाशांची गर्दी वाढल्यास आणखी बसेस वाढवण्यात येतील. लाडक्या बहिणींचा प्रवास सुरक्षित व सुरळीत होण्यासाठी एसटी प्रशासन पूर्णपणे सज्ज आहे.”
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:35 20-08-2026
