राजकीय पक्षांकडून लाखांची बक्षिसे जाहीर; गोविंदा पथके सज्ज
रत्नागिरी: Dahi Handi Ratnagiri संदर्भात रत्नागिरी जिल्ह्यातून मोठी बातमी समोर आली आहे. जिल्ह्यात दहीहंड्या फोडण्यासाठी गोविंदा पथके पूर्णपणे सज्ज झाली असून शनिवार, ५ सप्टेंबर रोजी दहीकाला उत्सव मोठ्या उत्साहात साजरा होणार आहे. या निमित्ताने यंदा रत्नागिरी जिल्ह्यात एकूण २८५ सार्वजनिक आणि २,२९३ खासगी अशा मिळून २,५७८ दहीहंड्या उभारण्यात येणार आहेत.
जिल्हा प्रशासनाकडून मिळालेल्या आकडेवारीनुसार, गतवर्षीच्या तुलनेत यावर्षी सार्वजनिक दहीहंड्यांच्या संख्येत १८७ ने घट झाली आहे. मात्र, दुसऱ्या बाजूला खासगी दहीहंड्यांमध्ये १५ ने वाढ झाल्याचे पाहायला मिळत आहे. या बदलांनंतरही जिल्ह्यातील गोविंदांचा उत्साह कायम असून गल्लीबोळांत आणि मुख्य चौकांमध्ये उत्सवाची तयारी अंतिम टप्प्यात आली आहे.
विविध राजकीय पक्षांनी आणि सामाजिक संस्थांनी यंदाच्या दहीहंडीसाठी लाखो रुपयांची आकर्षक पारितोषिके जाहीर केली आहेत. त्यामुळे मानवी मनोरे रचून सलामी देणाऱ्या आणि हंडी फोडणाऱ्या मंडळांमध्ये मोठी चुरस आणि थरार पाहायला मिळणार आहे.
उत्सव अवघ्या तीन दिवसांवर येऊन ठेपल्याने जिल्ह्यातील प्रमुख शहरांसह ग्रामीण भागातील गोविंदा पथकांकडून रात्रीच्या वेळी जोरदार सराव केला जात आहे. सुरक्षेचे नियम पाळून उत्सव शांततेत साजरा करण्याचे आवाहन पोलिसांकडून करण्यात आले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
15:18 03-09-2026
