अपूर्ण सर्व्हिस रोड, साचणारे अंडरपास आणि पादचारी पुलांअभावी गणेशोत्सवात अपघाताची भीती; प्रवाशांचा प्रशासनाविरोधात संताप
खेड:
Mumbai Goa Highway Pending Works Khed आणि कोकणवासीयांच्या प्रवासाची दैना अजूनही संपलेली नाही. मुंबई-गोवा राष्ट्रीय महामार्गाच्या चौपदरीकरणाच्या कामाला तब्बल १८ वर्षांचा दीर्घ कालावधी उलटूनही महामार्गावरील अनेक महत्त्वाची कामे अद्याप अपूर्णच आहेत. यामुळे कोकणवासीयांचा प्रवास अत्यंत धोकादायक आणि त्रासदायक बनला आहे. खेड परिसरासह संपूर्ण महामार्गावर अनेक ठिकाणी सर्व्हिस रोड अर्धवट अवस्थेत आहेत, तर रस्ता ओलांडण्यासाठी उभारण्यात येणारे पादचारी पूल आणि अंडरपासची कामेही रखडली आहेत.
चौपदरीकरणाच्या नावाखाली कोट्यवधी रुपये खर्च करूनही मूलभूत सुविधांचा प्रश्न कायम असल्याने “महामार्गाचे रुंदीकरण प्रवाशांच्या सोयीसाठी की अडचणी वाढवण्यासाठी?” असा संप्तत सवाल कोकणवासीयांकडून विचारला जात आहे.
अपघाताचा धोका आणि पावसाळ्यातील बिकट स्थिती
Mumbai Goa Highway Pending Works Khed आणि स्थानिक नागरिकांचे हाल
सर्व्हिस रोड अपूर्ण असल्याने स्थानिक नागरिकांना मुख्य महामार्गावरूनच वाहने चालवावी लागत आहेत. यामुळे मुख्य महामार्गावरील सुसाट वाहतूक आणि स्थानिक वाहतुकीमध्ये वारंवार कोंडी होऊन अपघातांचे प्रमाण वाढले आहे.
- पादचारी पुलांची दुरावस्था: ओलांडण्यासाठी सुरक्षित पर्याय नसल्याने महिला, ज्येष्ठ नागरिक आणि शाळकरी विद्यार्थ्यांना जीव मुठीत धरून महामार्ग पार करावा लागत आहे.
- पाणी साचणारे अंडरपास: पावसाळ्यात अपुऱ्या निचरा व्यवस्थेमुळे अंडरपासमध्ये मोठे पाणी साचत आहे. त्यामुळे नागरिकांना अंडरपासचा वापर करता येत नसून लांबच्या पर्यायी मार्गांचा अवलंब करावा लागत आहे.
काही दिवसांपूर्वी कोकण दौऱ्यावर आलेले शिवसेना (ठाकरे गट) नेते आमदार आदित्य ठाकरे यांनीही या रखडलेल्या कामांवरून सरकारवर कडाडून टीका केली होती.
गणेशोत्सवाच्या तोंडावर वाहतूक कोंडी अन् अपघाताची टांगती तलवार
गणेशोत्सव अवघ्या काही दिवसांवर येऊन ठेपला आहे. मुंबई, ठाणे, पुणे आणि इतर शहरांतून लाखो चाकरमानी गणेशोत्सवासाठी कोकणात दाखल होणार आहेत. या काळात पर्यटकांचीही प्रचंड वर्दळ वाढणार आहे. अशा परिस्थितीत अपूर्ण सर्व्हिस रोड, तुंबलेले अंडरपास आणि अर्धवट कामांमुळे यंदाच्या गणेशोत्सवातही भीषण वाहतूक कोंडी आणि अपघातांचा धोका निर्माण झाला आहे.
गणेशोत्सवापूर्वी महामार्गावरील अपूर्ण कामे तात्काळ पूर्ण करावीत, धोकादायक ठिकाणी सुरक्षा व्यवस्था उभारावी आणि अंडरपासमधील पाणी साचण्याची समस्या दूर करावी, अशी जोरदार मागणी नागरिकांकडून केली जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
17:25 05-09-2026
