स्थानकावर मदतकार्य राबवून कळंबणी उपजिल्हा रुग्णालयात दाखल
Khed Railway Station News मुळे कोकण रेल्वे मार्गावर खळबळ उडाली आहे. रत्नागिरी जिल्ह्यातील खेड रेल्वे स्थानकावर मंगळवारी सकाळी ७.५० वाजण्याच्या सुमारास एक दुर्दैवी अपघात घडला. स्थानकातून जात असलेल्या रत्नागिरी-वलसाड एक्स्प्रेसची जोराची धडक बसल्याने एक वृद्ध प्रवासी गंभीर जखमी झाले आहेत.
अपघाताची माहिती मिळताच स्थानक परिसरात उपस्थित प्रवाशांमध्ये चिंता व्यक्त केली जाऊ लागली. जखमी झालेल्या व्यक्तीची ओळख पटली असून, खोपी येथील रहिवासी सखाराम लाड (वय ६५) असे त्यांचे नाव आहे. अपघाताचे स्वरूप गंभीर असल्याचे लक्षात येताच स्थानकावरील कर्मचाऱ्यांनी व स्थानिकांनी तातडीने मदतकार्य हाती घेतले.
Khed Railway Station News Ambulance Service : नाणीजधाम विनामूल्य रुग्णवाहिकेची ऐनवेळी मदत
घटनेची माहिती मिळताच भरणे नाका पुलाखाली २४ तास सेवेत सज्ज असलेली ‘जगद्गुरु रामानंदाचार्य श्री नरेंद्रचार्यजी महाराज संस्थान, नाणीजधाम’ यांची विनामूल्य रुग्णवाहिका तातडीने खेड स्थानकात दाखल झाली. रुग्णवाहिका चालक सुरज हंबीर यांनी क्षणाचाही विलंब न करता जखमी सखाराम लाड यांना पुढील उपचारांसाठी कळंबणी येथील उपजिल्हा रुग्णालयात दाखल केले.
ऐनवेळी वैद्यकीय उपचार मिळाल्यामुळे जखमी वृद्धावर सध्या रुग्णालयात पुढील उपचार सुरू आहेत. दरम्यान, हा अपघात नेमका कसा घडला आणि सखाराम लाड चालत्या गाडीच्या धडकेत कसे आले, याबाबत रेल्वे प्रशासन व स्थानिक पोलीस यंत्रणेकडून अधिक तपास केला जात आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
10:25 10-09-2026
