पुरुष संघाला रौप्यपदक; मुंबई विद्यापीठ कोकण विभाग क्र. ४ आंतरमहाविद्यालयीन स्पर्धेत बाजी
Gogate College Chess Victory News मुळे रत्नागिरीच्या क्रीडा क्षेत्रात आनंदाचे वातावरण पसरले आहे. मुंबई विद्यापीठांतर्गत कोकण विभाग – क्र. ४ च्या आंतरमहाविद्यालयीन बुद्धिबळ स्पर्धेत गोगटे-जोगळेकर महाविद्यालयाच्या (स्वायत्त) महिला संघाने सुवर्णपदक पटकावत उत्तम कामगिरीच्या जोरावर सलग पाचव्या वर्षी अजिंक्यपद मिळवले आहे. याच स्पर्धेत गोगटे-जोगळेकर महाविद्यालयाच्या पुरुष संघाने रौप्यपदक प्राप्त केले आहे.
या आंतरमहाविद्यालयीन बुद्धिबळ स्पर्धा कोकण विभाग व एस. पी. हेगशेट्ये महाविद्यालयाच्या वतीने एमआयडीसी येथे संयुक्तपणे आयोजित करण्यात आल्या होत्या.
Gogate College Chess Victory News : सुवर्ण आणि रौप्यपदक विजेते खेळाडू
या स्पर्धेत यश मिळवणाऱ्या महाविद्यालयाच्या दोन्ही संघांतील खेळाडूंची नावे खालीलप्रमाणे आहेत:
- सुवर्णपदक विजेता महिला संघ: हिमानी फाटक (एमए भाग २), अस्मिता खानविलकर (तृतीय वर्ष बीएससी बायोकेमिस्ट्री), निर्मिती सुर्वे (प्रथम वर्ष बीएससी मायक्रो), गौरवी गावडे (द्वितीय वर्ष बायोटेक्नॉलॉजी), तेजश्री डोलकर (द्वितीय वर्ष बीएससी आयटी) आणि अस्मिया साटविलकर (प्रथम वर्ष बीएससी).
- रौप्यपदक विजेता पुरुष संघ: कौस्तुभ हर्डीकर (द्वितीय वर्ष बीएससी), यश तरळ (एमकॉम भाग २), श्रेयस दाते (एमकॉम भाग २), हर्ष सुर्वे (एमकॉम भाग १), श्रवण बांदेकर (प्रथम वर्ष बीएससी मायक्रो) आणि अद्वैत काळे (प्रथम वर्ष बीबीए).
महाविद्यालयाच्या दोन्ही संघांना क्रीडा संचालक डॉ. विनोद शिंदे आणि विवेक सोहनी यांचे मार्गदर्शन मिळाले, तर क्रीडा शिक्षक प्रा. कल्पेश बोटके व महेश खैरे यांचे सहकार्य लाभले. या दोन्ही संघांच्या देदीप्यमान यशाबद्दल र. ए. सोसायटीच्या कार्याध्यक्षा शिल्पा पटवर्धन, कार्यवाह सतीश शेवडे, जिमखाना समितीचे अध्यक्ष डॉ. चंद्रशेखर केळकर, प्राचार्य डॉ. मकरंद साखळकर आणि प्रशासकीय उपप्राचार्य डॉ. सुरेंद्र ठाकूरदेसाई यांनी विजेत्या खेळाडूंचे अभिनंदन केले आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
13:21 10-09-2026
