मंत्रालयात पार पडलेल्या बैठकीत तत्त्वतः मंजुरी; पुरवणी अर्थसंकल्पात १०० कोटींची तरतूद करणार
Chiplun Majhi Sainik Bhavan News मुळे रत्नागिरी जिल्ह्यातील सैनिक व माजी सैनिकांमध्ये आनंदाचे वातावरण आहे. आमदार शेखर निकम यांनी केलेल्या सततच्या पाठपुराव्याची दखल घेत चिपळूण येथील सैनिक व माजी सैनिकांच्या विविध प्रश्नांवर चर्चा करण्यासाठी मंत्रालयात एक महत्त्वाची बैठक यशस्वीपणे पार पडली. मंगळवारी दुपारी पर्यटन, खनिजकर्म व माजी सैनिक कल्याण मंत्री शंभूराजे देसाई यांच्या ‘मेघदूत’ बंगल्यावर ही बैठक घेण्यात आली. या बैठकीत माजी सैनिक भवनासाठी चिपळूणला २० कोटी, तर रत्नागिरी विभागासाठी ५ कोटींचा निधी देण्याची तत्त्वतः मंजुरी देण्यात आली.
या बैठकीत चिपळूण येथे सैनिक विश्रामगृह उभारणे, तसेच रत्नागिरी जिल्ह्यातील सैनिक व माजी सैनिकांच्या पाल्यांसाठी वसतिगृह निर्माण करणे, या दोन प्रमुख विषयांवर सविस्तर चर्चा झाली.
Chiplun Majhi Sainik Bhavan News : शंभूराजे देसाई यांच्या अध्यक्षतेखाली बैठक
माजी सैनिक कल्याण मंत्री शंभूराजे देसाई यांच्या अध्यक्षतेखाली झालेल्या या बैठकीला पालकमंत्री उदय सामंत, आमदार शेखर निकम व संबंधित विभागाचे अधिकारी उपस्थित होते:
- निधीची तरतूद: आमदार शेखर निकम यांनी पालकमंत्री उदय सामंत यांच्या सहकार्यातून यापूर्वीच शासनस्तरावर पाठपुरावा केला होता. त्या पार्श्वभूमीवर, येत्या पुरवणी अर्थसंकल्पात यासाठी १०० कोटींची तरतूद केली जाणार असल्याचे मंत्री शंभूराजे देसाई यांनी सांगितले.
- वरिष्ठ अधिकारी उपस्थित: या बैठकीस सामान्य प्रशासन विभागातील माजी सैनिक कल्याण विभागाचे अपर मुख्य सचिव, रत्नागिरीचे जिल्हाधिकारी, माजी सैनिक कल्याण संचालनालयाचे अधिकारी, महाराष्ट्र माजी सैनिक महामंडळाचे अधिकारी तसेच जिल्हा सैनिक कल्याण अधिकारी उपस्थित होते.
आमदार शेखर निकम यांच्या या यशस्वी पाठपुराव्यामुळे जिल्ह्यातील सैनिक कुटुंबांना मोठी मदत आणि दिलासा मिळणार आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:13 10-09-2026
