टेकडीवरून समुद्रात पडल्याने मृत्यू झाल्याचा प्राथमिक अंदाज; सर्व अवयव सुरक्षित
Pangolin Found Dead in Dapoli ची घटना रत्नागिरी जिल्ह्यातील दापोली तालुक्यात समोर आली आहे. हर्णै येथील समुद्रकिनारी एक खवले मांजर मृतावस्थेत आढळून आल्याने परिसरात खळबळ उडाली आहे. हर्णै गावचे ग्रामस्थ फहाज जमादार यांनी या घटनेची माहिती तात्काळ दापोली वन विभागाला दिली. माहिती मिळताच वन विभागाचे अधिकारी प्रभू साबणे यांनी सहकाऱ्यांसह घटनास्थळी धाव घेत मृत देहाची पाहणी केली.
Pangolin Found Dead in Dapoli: वन विभागाचा प्राथमिक अंदाज
घटनास्थळी पोहोचलेल्या वन अधिकाऱ्यांनी समुद्रकिनारी पडलेल्या मृत खवले मांजराची सखोल पाहणी केली. पाहणीदरम्यान त्या मांजराच्या शरीराचे सर्व अवयव सुव्यवस्थित आणि सुरक्षित असल्याचे स्पष्ट झाले. उंच टेकडीवरून तोल जाऊन समुद्राच्या पाण्यात पडल्यामुळेच या खवले मांजराचा बुडून मृत्यू झाला असावा, असा प्राथमिक अंदाज वन अधिकारी प्रभू साबणे यांनी व्यक्त केला आहे.
पुढील सोपस्कार पूर्ण
वन विभागाने मृत खवले मांजर आपल्या ताब्यात घेतले असून, वरिष्ठांच्या मार्गदर्शनाखाली पुढील सर्व वन विभागीय कायदेशीर सोपस्कार पूर्ण करण्यात आले आहेत. हर्णै येथील जागरूक नागरिक फहाज जमादार यांनी सतर्कता दाखवून तात्काळ माहिती दिल्यानेच ही घटना वन विभागाच्या निदर्शनास आली, त्याबद्दल त्यांचे आभार मानण्यात येत आहेत.
