स्मार्ट कार्ड पावती किंवा कार्ड दाखवून सवलतीचा प्रवास करता येणार; गर्दीच्या पार्श्वभूमीवर प्रशासनाचा निर्णय
NCMC Card Deadline Extension च्या निर्णयामुळे एसटी बसने प्रवास करणाऱ्या ज्येष्ठ नागरिक आणि महिला प्रवाशांना मोठा दिलासा मिळाला आहे. महाराष्ट्र राज्य मार्ग परिवहन महामंडळाने (MSRTC) १ सप्टेंबरपासून प्रवासात सवलत मिळवण्यासाठी नॅशनल कॉमन मोबिलिटी कार्ड (NCMC) अनिवार्य केले होते. मात्र, सर्व्हर डाऊन होणे आणि बसस्थानकांवर होणारी प्रचंड गर्दी लक्षात घेता, आता कार्ड काढण्यासाठी ३० सप्टेंबरपर्यंत मुदतवाढ देण्यात आली आहे. या कालावधीत कार्डची पावती किंवा स्मार्ट कार्ड दाखवून प्रवाशांना सवलतीचा लाभ घेता येणार आहे.
NCMC Card Deadline Extension: तांत्रिक बिघाड व गर्दीमुळे निर्णय
गणेशोत्सव काळात प्रवाशांची मोठी गर्दी असताना एनसीएमसी कार्ड अनिवार्य केल्याने स्थानकांवर रांगा लागून प्रवाशांची गैरसोय होत होती. या समस्येची दखल घेत प्रशासनाने ही मुदत वाढवली आहे.
प्रवासासाठीचे नियम: ज्यांनी कार्डसाठी अर्ज केला आहे, ते पावती दाखवून सवलतीचे तिकीट मिळवू शकतात. तसेच ज्यांच्याकडे स्मार्ट कार्ड उपलब्ध आहे, त्यांना त्या कार्डद्वारेच सवलत दिली जाईल.
वितरणाची आकडेवारी: रत्नागिरी जिल्ह्यात आतापर्यंत सुमारे अडीच लाख कार्डचे वितरण झाले असून, एकट्या रत्नागिरी तालुक्यात १ लाख कार्ड काढण्यात आले आहेत, अशी माहिती स्मार्ट कार्ड एजंट संदीप चव्हाण यांनी दिली.
महामंडळाचा उद्देश: बनावट प्रवाशांना आळा घालणे आणि डिजिटल पेमेंटला प्रोत्साहन देणे हा या योजनेचा मुख्य उद्देश आहे. गेल्या चार महिन्यांत या मुदतीत ३ ते ४ वेळा वाढ करण्यात आली आहे.
प्रशासनाने वाहक व चालकांना आवश्यक कागदपत्रे आणि पावती पाहून प्रवाशांना सवलतीचे तिकीट देण्याच्या सूचना दिल्या आहेत. या मुदतवाढीमुळे बसस्थानकांनावरील गर्दी काही प्रमाणात कमी होण्यास मदत होईल.
