विद्यार्थी आणि मेकॅनिक बांधवांना मिळणार आधुनिक वाहन प्रणाली व ‘व्हीकल डायग्नोस्टिक्स’चे प्रशिक्षण
रत्नागिरी :
Ratnagiri Polytechnic Two Wheeler Mechanic MoU News अंतर्गत टू व्हिलर मेकॅनिक क्षेत्रातील तांत्रिक कौशल्यविकास, आधुनिक तंत्रज्ञानाचे प्रशिक्षण आणि ज्ञानाच्या परस्पर देवाणघेवाणीसाठी शासकीय तंत्रनिकेतन, रत्नागिरी आणि ‘एकता रत्नागिरी जिल्हा टू व्हिलर मेकॅनिक, तांत्रिक प्रशिक्षण व कौशल्य विकास असोसिएशन’ यांच्यात एक ऐतिहासिक सामंजस्य करार (MoU) करण्यात आला आहे.
शासकीय तंत्रनिकेतन येथे आयोजित विशेष कार्यक्रमात प्राचार्य डॉ. रा. ल. डोईफोडे आणि एकता असोसिएशनचे अध्यक्ष फैय्याज खतीब यांनी या महत्त्वाकांक्षी करारावर अधिकृत स्वाक्षऱ्या केल्या.
प्रात्यक्षिक अनुभव अन् तांत्रिक शिक्षणाची प्रभावी सांगड
या सामंजस्य करारामुळे महाविद्यालयातील वर्गातील तांत्रिक शिक्षण आणि गॅरेजमधील प्रत्यक्ष काम करण्याचा अनुभव यांची प्रभावी सांगड घातली जाणार आहे.
- आधुनिक प्रशिक्षण: या कराराद्वारे स्थानिक मेकॅनिक बांधव आणि विद्यार्थ्यांना अत्याधुनिक वाहन प्रणाली, व्हीकल डायग्नोस्टिक्स (Vehicle Diagnostics) आणि नव्या तांत्रिक पद्धतींचे अद्ययावत प्रशिक्षण मिळणार आहे.
- व्यवसाय समृद्धी: यामुळे जिल्ह्यातील टू व्हिलर मेकॅनिक व्यवसायाला अधिक कौशल्याधारित, आधुनिक व व्यावसायिक स्वरूप प्राप्त होण्यास मोठी मदत होणार आहे.
प्रमुख अधिकारी व पदाधिकाऱ्यांची उपस्थिती
या सामंजस्य करार सोहळ्याला शासकीय तंत्रनिकेतनचे शैक्षणिक समन्वयक श्री. दि. सुतवणे सर, अधिव्याख्याता, कार्यशाळा निदेशक उपस्थित होते.
तसेच एकता असोसिएशनचे सचिव श्री. धनंजय कदम, सहसचिव श्री. प्रदीप रेवाळे, महाराष्ट्र राज्य मेकॅनिक फेडरेशनचे संपर्कप्रमुख श्री. गणेश शेंडे, दिलीप शिंदे, मयुरेश यादव, पावस विभागाचे अध्यक्ष महेश पालकर, ज्येष्ठ मेकॅनिक प्रमोद (बावा) शिवलकर, जितेंद्र भूते यांच्यासह दोन्ही संस्थांचे अधिकारी व असोसिएशनचे पदाधिकारी मोठ्या संख्येने उपस्थित होते.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:22 07-10-2026
