हवामान विभागाने वर्तवला परतीच्या पावसाचा अंदाज; ताशी ७० किमी वेगाने वारे वाहण्याची आणि विजांच्या कडकडाटासह पाऊस होण्याची शक्यता
Weather Update 9 October 2026 अंतर्गत हवामान विभागाने (IMD) देशातील हवामानाबाबत अत्यंत महत्त्वाचा इशारा दिला आहे. राज्यात यंदा समाधानकारक पाऊस न झाल्याने शेतकरी आणि नागरिक चिंतेत असतानाच परतीच्या पावसाने दिलासा देण्यास सुरुवात केली आहे. हवामान विभागाने आज, ९ ऑक्टोबर २०२६ रोजी देशातील तब्बल २२ राज्यांमध्ये वादळी वाऱ्यासह मुसळधार पावसाचा इशारा जारी केला आहे.
या हवामान बदलांमुळे अनेक राज्यांमध्ये विजांच्या कडकडाटासह जोरदार पाऊस होण्याची शक्यता आहे. या काळात ताशी ४० ते ७० किलोमीटर वेगाने वारे वाहण्याचा अंदाज वर्तवण्यात आला आहे. प्रामुख्याने हिमाचल प्रदेश, उत्तराखंड, जम्मू-काश्मीर, झारखंड, बिहार, उत्तर प्रदेश, राजस्थान, पश्चिम बंगाल, आसाम, मिझोराम, त्रिपुरा आणि अरुणाचल प्रदेश यांसारख्या प्रमुख २२ राज्यांचा यात समावेश आहे.
देशात निर्माण झालेल्या या बदलत्या हवामानामागे विविध हवामान प्रणाली (Weather Systems) सक्रिय झाल्याचे सांगण्यात येत आहे. उत्तराखंड आणि हिमाचल प्रदेश परिसरातील वातावरणाच्या खालच्या थरात चक्रीवादळासारखी स्थिती तयार झाली आहे. याशिवाय काही इतर भागांतही चक्रीवादळाची अनुकूल परिस्थिती निर्माण झाल्यामुळे पावसाचा जोर वाढला आहे.
हवामान खात्याच्या माहितीनुसार, काही राज्यांमध्ये पुढील ३ दिवस हीच परिस्थिती कायम राहण्याची शक्यता आहे. या काळात मेघगर्जना आणि वादळी वाऱ्यासह पाऊस पडेल. परतीच्या पावसाने अनेक भागात दिलासा दिला असला, तरी काही भागात मात्र तापमानात पुन्हा वाढ झाल्याचे पाहायला मिळत आहे. महाराष्ट्रातही काही भागांत परतीचा पाऊस जोरदार हजेरी लावेल असा अंदाज वर्तवण्यात आला आहे.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
12:32 09-10-2026
