रत्नागिरी जिल्हा दक्षिणची जबाबदारी; पक्षसंघटन वाढीसाठी प्रयत्न करण्याचा निर्धार
लांजा (रत्नागिरी):
Ravindra Rane BJP Lanja च्या राजकीय वर्तुळातून एक महत्त्वाची बातमी समोर येत असून, लांजा येथील भारतीय जनता पक्षाचे निष्ठावंत कार्यकर्ते रवींद्र राणे यांची भाजपच्या ‘ओबीसी मोर्चा जिल्हा (दक्षिण) उपाध्यक्ष’ पदी अधिकृत निवड करण्यात आली आहे. गेल्या अनेक वर्षांपासून पक्ष संघटनेच्या माध्यमातून तळागाळात अत्यंत सक्रियपणे आणि प्रामाणिकपणे कार्य करणाऱ्या रवींद्र राणे यांच्या कार्याची दखल घेत पक्षाने त्यांच्यावर रत्नागिरी जिल्हा दक्षिणच्या ओबीसी मोर्चाची ही मोठी जबाबदारी सोपवली आहे.
या नवीन नियुक्तीच्या आणि पदाच्या माध्यमातून लांजा तालुक्यासह संपूर्ण रत्नागिरी जिल्ह्यात पक्षसंघटना अधिक मजबूत करण्यासाठी विशेष प्रयत्न करण्याची जबाबदारी त्यांच्यावर देण्यात आली आहे. केंद्र व राज्य सरकारच्या लोककल्याणकारी ध्येय-धोरणांचा प्रचार करत पक्षाचे विचार तळागाळातील शेवटच्या घटकापर्यंत पोहोचवणे आणि पक्षसंघटनेला नवे बळ देणे, हा या निवडीमागील मुख्य उद्देश आहे.
दरम्यान, रवींद्र राणे यांची भाजपच्या ओबीसी मोर्चा जिल्हा उपाध्यक्षपदी निवड झाल्याची बातमी समजताच लांजा तालुक्यातील भाजपचे विविध पदाधिकारी, वरिष्ठ नेते आणि कार्यकर्त्यांकडून त्यांच्यावर अभिनंदनाचा वर्षाव केला जात आहे. या निवडीबद्दल बोलताना, पक्षाने दाखवलेला विश्वास सार्थ ठरवत आपल्या या पदाचा पूर्ण उपयोग निष्ठापूर्वक आणि प्रामाणिकपणे पक्षसंघटना वाढवण्यासाठीच करणार असल्याचे रवींद्र राणे यांनी स्पष्ट केले.
