श्री राधाकृष्ण मंदिर संस्थेतर्फे कबड्डीचा थरार; १०० व्या वर्धापन दिनानिमित्त भव्य स्पर्धा

रत्नागिरी : श्री राधाकृष्ण वैश्य मंदिर संस्था रत्नागिरी यांच्या १०० व्या वर्धापन दिनानिमित्त अत्यंत भव्य अशा तालुकास्तरीय कबड्डी स्पर्धेचे आयोजन करण्यात आले आहे. ही स्पर्धा मंगळवार, दि. ५ ऑगस्ट ते गुरुवार, दि. ७ ऑगस्ट या तीन दिवसांमध्ये होणार आहे.

स्पर्धेची रूपरेषा:

ही स्पर्धा राधाकृष्ण मंदिर, बाजारपेठ, राधाकृष्ण नाका, रत्नागिरी येथे होणार असून, स्पर्धेचे उद्घाटन ५ ऑगस्ट रोजी सायंकाळी ७:०० वाजता होईल. निमंत्रित संघांसाठी असलेल्या या स्पर्धेतील विजेत्यांना आकर्षक रोख पारितोषिके आणि शिल्ड देण्यात येणार आहेत.

  • प्रथम क्रमांक: ₹१०,१००/- रोख आणि आकर्षक शिल्ड
  • द्वितीय क्रमांक: ₹७,१००/- रोख आणि आकर्षक शिल्ड
  • तृतीय क्रमांक: ₹२,५००/- रोख आणि आकर्षक शिल्ड
  • चतुर्थ क्रमांक: ₹२,५००/- रोख आणि आकर्षक शिल्ड

याशिवाय, स्पर्धेत उत्कृष्ट चढाई, उत्कृष्ट पकड आणि अष्टपैलू खेळाडूंना आकर्षक शिल्ड देऊन गौरवण्यात येणार आहे. बक्षीस वितरण सोहळा गुरुवार, दि. ७ ऑगस्ट रोजी स्पर्धा संपल्यानंतर होईल. ही स्पर्धा रत्नागिरी तालुका हौशी कबड्डी असोसिएशनच्या मान्यतेने घेण्यात येत आहे.

Radhakrushna patapedhi

आवाहन:

राधाकृष्ण मंदिराचे अध्यक्ष राजन मलुष्ट, उपाध्यक्ष विरेंद्र वणजू आणि सेक्रेटरी मकरंद खातू यांनी जास्तीत जास्त संघांनी या स्पर्धेत भाग घ्यावा, तसेच क्रीडाप्रेमींनी मोठ्या संख्येने उपस्थित राहून कबड्डीचा आनंद घ्यावा, असे आवाहन केले आहे.

अधिक माहितीसाठी रत्नागिरी तालुका कबड्डी असोसिएशनचे उपाध्यक्ष अजिंक्य धुंदूर (९४०३९४१५०९) किंवा सेक्रेटरी सागर कळंबटे (९६२३६५५९१९) यांच्याशी संपर्क साधावा.