संगणक प्रशिक्षणादरम्यान ओळख वाढवून मित्राच्या खोलीवर केला अत्याचार; राजापूर पोलिसांची धडक कारवाई
राजापूर: Rajapur POCSO Act Case अंतर्गत राजापूर शहरात एक धक्कादायक आणि संतापजनक प्रकार समोर आला आहे. एका १७ वर्षाच्या अल्पवयीन मुलीला फूस लावून तिच्यावर अत्याचार केल्याप्रकरणी राजापूर पोलिसांनी १९ वर्षीय तरुण आरोपी दिलीपकुमार संदीप बावकर याच्या विरोधात पोक्सो (POCSO) कायद्यांतर्गत गुन्हा दाखल करून त्याला अटक केली आहे. आरोपीला राजापूर न्यायालयात हजर केले असता, न्यायालयाने त्याला ५ जूनपर्यंत पोलीस कोठडी सुनावली आहे.
ओळख वाढवून ३ एप्रिल रोजी केला अत्याचार
या संदर्भात पीडितेच्या आईने राजापूर पोलीस ठाण्यात अधिकृत फिर्याद दिली आहे. पोलिसांत दाखल झालेल्या तक्रारीनुसार, हा सर्व प्रकार ३ एप्रिल रोजी घडला. पीडित अल्पवयीन तरुणी राजापूर शहरात संगणक (कंप्यूटर) प्रशिक्षणासाठी येत होती. याच दरम्यान तिची ओळख संशयित आरोपी दिलीपकुमार बावकर याच्याशी झाली. हळूहळू त्यांच्यात ओळख वाढली आणि ते एकमेकांच्या मोबाईलवर चॅटिंगही करत होते. या ओळखीचा गैरफायदा घेत ३ एप्रिल रोजी आरोपीने अल्पवयीन मुलीला फूस लावून राजापुरातील आपल्या एका मित्राच्या खोलीवर नेले आणि तिच्यावर लैंगिक अत्याचार केला.
‘पोक्सो’ अंतर्गत गुन्हा दाखल; महिला अधिकाऱ्यांकडे तपास
अल्पवयीन मुलीसोबत घडलेल्या या प्रकारानंतर पीडितेच्या कुटुंबीयांनी तात्काळ राजापूर पोलिसात धाव घेतली. राजापूर पोलिसांनी पीडितेच्या आईच्या फिर्यादीवरून आरोपी दिलीपकुमार बावकर याच्याविरुद्ध बाल लैंगिक अत्याचार प्रतिबंधक कायदा (POCSO) आणि इतर संबंधित कलमांनुसार गुन्हा नोंदवून त्याला बेड्या ठोकल्या.
या गंभीर गुन्ह्याचा पुढील तपास राजापूर पोलीस ठाण्याचे पोलीस निरीक्षक अमित यादव यांच्या थेट मार्गदर्शनाखाली सहाय्यक पोलीस निरीक्षक (API) दिपज्योती पाटील या करत आहेत.
दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
16:11 05-06-2026
