खेड : अल्पवयीन युवती विनयभंग प्रकरणातील संशयिताला न्यायालयाकडून जामीन मंजूर

दापोली पोलिसांनी ६ जुलै रोजी केली होती अटक; ॲड. अनुजा राऊत यांचा युक्तिवाद ग्राह्य धरत अटी व शर्तींवर जामीन

रत्नागिरी : खेड तालुक्यातील एका गावातील अल्पवयीन युवतीच्या विनयभंग प्रकरणात अटक करण्यात आलेल्या पुंडलिक शिवाजी केंद्रे या संशयिताला न्यायालयाने अटी व शर्तींसह जामीन मंजूर केला आहे. या प्रकरणातील संशयिताला ६ जुलै २०२६ रोजी दापोली पोलिसांनी अटक केली होती.

दापोली पोलिसांकडून झाली होती अटक

मिळालेल्या माहितीनुसार, ६ जुलै २०२६ रोजी खेड तालुक्यातील एका गावामध्ये घडलेल्या अल्पवयीन युवतीच्या विनयभंग प्रकरणी दापोली पोलीस ठाण्यात गुन्हा दाखल करण्यात आला होता. घटनेचे गांभीर्य लक्षात घेऊन दापोली पोलिसांनी संशयित आरोपी पुंडलिक शिवाजी केंद्रे याला तात्काळ अटक करून न्यायालयीन कोठडीत पाठवले होते.

न्यायालयात जामिनावर सुनावणी आणि युक्तिवाद

संशयिताच्या वतीने ॲड. अनुजा गणेश राऊत यांनी न्यायालयात जामिनासाठी अर्ज दाखल केला होता. या अर्जावर न्यायालयात सविस्तर सुनावणी पार पडली. सुनावणीदरम्यान ॲड. अनुजा राऊत यांनी मांडलेला युक्तिवाद आणि कायदेशीर बाजू न्यायालयाने ग्राह्य धरली.

युक्तिवाद ऐकल्यानंतर न्यायालयाने संशयित पुंडलिक केंद्रे याला विविध अटी व शर्तीं लावून जामीन मंजूर केला आहे. या प्रकरणी पोलीस अधिक तपास करत आहेत.

दैनिक रत्नागिरी खबरदार
ISO 9001:2015 CERTIFIED
(RNI NO. MAHMAR/2013/57411)
शासनमान्य रजिस्टर न्यूजपेपर
14:32 25-07-2026